توي – تويلاۋ ەمەس, ويلاۋ ءۇشىن كەرەك

كەشە «نۇر وتان» پارتياسىنىڭ ورتالىق اپپاراتىندا پارتيا توراعاسىنىڭ ءبىرىنشى ورىنباسارى مۇحتار قۇل-مۇحاممەد ۇيىم ارداگەرلەرى, ءماجىلىس دەپۋتاتتارى, پارتيانىڭ جاستار قاناتى جانە ايماقتىق فيليالدار وكىلدەرىنىڭ قاتىسۋىمەن جينالىس وتكىزدى. جينالعاندار الدىندا ءسوي­لەگەن م.قۇل-مۇحاممەد 1 ناۋرىز­دىڭ كوپتەگەن مەرەكەلەردىڭ با­سىن قوسقان كۇن ەكەنىن اتاپ ءوتتى. ناقتى­لاي ايتقاندا, پارتيا توراعا­سى­نىڭ ءبىرىنشى ورىنباسارى ناۋرىز­دىڭ العاشقى كۇنى قازاق­ستان حالقى اسسامبلەياسى قۇرىل­عانىن جانە وسى كۇن ەلبا­سى جار­لىعىمەن العىس ايتۋ كۇنى بو­لىپ بەكىتىلگەنىن جەتكىز­دى. ءوزارا تولىق تۇسىنىستىك, ۇندەس­تىك, كەلىسىم­مەن ءومىر ءسۇرىپ جاتقا­نى­مىز ءۇشىن ەلباسى­نا, ەلباسىنىڭ بە­ي­بىت­سۇيگىش ساياساتىنا, ءبىر-بىرىمىزگە ال­عىس ايتۋىمىز كەرەك. مىنە, وسىنداي تويلارىمىز قۇتتى بولسىن. جالپى توي دەگەننىڭ ءوزى – تويلاۋ ءۇشىن ەمەس, ويلاۋ ءۇشىن كەرەك, دەدى ول. مەملەكەتتىك ءانۇران ورىندال­عاننان كەيىن, م.قۇل-مۇحاممەد «نۇر وتان» پارتياسىنىڭ قازاق­­ستان­نىڭ ساياسي ومىرىندەگى ورنى مەن ماڭىزىنا توقتالىپ ءوتتى. ءبىز تاۋەلسىزدىگىمىزدىڭ 25 جىل­دىعىن جىل بويى اتاپ وتتىك. ءويت­كەنى, ول قازاقستاندىقتار­دىڭ وتان­شىل­دىعىن, ءپاتريوتيزمىن جاپ­پاي ناسيحاتتاۋ ءۇشىن, تاۋەل­سىزدىكتىڭ ماڭىزىن ءبىل­دىرۋ ءۇشىن كەرەك بولدى. ەلباسى نۇرسۇلتان نازارباەۆ ىرگەتاسىن قالاعان ءبىزدىڭ پارتيامىزدىڭ ءاربىر كۇنى دە وسى ساياسي كۇشتىڭ كۇنى بولۋى كەرەك. ويتكەنى, ءبىز – قوعام مەن ەلباسىنىڭ اراسىن جاقىنداستىراتىن ۇلكەن كۇشپىز. پارلامەنتتىك سايلاۋدا حالىقتىڭ باسىم كوپشىلىك داۋىسىنا يە بولعان پارتيا بولعاندىقتان, ءبىز حالىقتىڭ ءسوزىن سويلەۋىمىز كەرەك, حالىقپەن بىرگە بولۋىمىز كەرەك. وكىلەتتى ورگاندارعا پارتيا اتىنان سايلانعان بارلىق دەپۋتاتتار وسى مىندەتتى ابىرويمەن اتقارىپ وتىرعانىنا سەنىمدىمىز, دەي كەلىپ, م.قۇل-مۇحاممەد قازاقستان حالقى اسسامبلەياسىنىڭ ماڭىزىن دا اتاپ ءوتىپ, ولاردى دا العىس ايتۋ كۇنىمەن قۇتتىقتايتىنىن جەتكىزدى. ءسوزىنىڭ قورىتىندىسىندا پار­تيا توراعاسىنىڭ ءبىرىنشى ورىن­باسارى ساياسي ۇيىمنىڭ بارلىق ارداگەرلەرى مەن جاستاردى وسىنداي ايتۋلى كۇنمەن تاعى دا قۇتتىقتاپ, پارتيا قاتارىنا جاڭا­دان وتكەن بىرنەشە ادامعا ءوز قو­لى­مەن كۋالىك تاپسىردى. ولار­دىڭ اراسىندا ءانشى رۋحيا باي­دۇكەنوۆا, اكتەر دانيار جۇما­دىلوۆ, اقىن مارعۇلان اتان, ستۋ­دەنت قاراكوز امانتاي, جاس كاسىپ­كەر سامات بيعازى, ينجەنەر اسىل­بەك جالمۇحانبەت, ايتىس اقى­نى جانداربەك بۇلعاقوۆ جانە ت.ب. بولدى. وسىدان كەيىن بىرنەشە پارتيا بەلسەندىسىنە ساياسي ۇيىمنىڭ ماراپاتى تاپسىرىلدى. «بەلسەن­دى قىزمەتى ءۇشىن» اتتى توسبەلگى­مەن ماراپاتتالعانداردىڭ ارا­سىندا ءماجىلىس دەپۋتاتتارى قابيبوللا جاقىپوۆ, باقتىقوجا ىزمۇحامبەتوۆ, زاعيپا باليەۆا, بەكبولات تىلەۋحان, امانجان جامالوۆ, كارىباي مۇسىرمان جانە ت.ب. بولدى. جاقسىباي سامرات, «ەگەمەن قازاقستان»