سپورت تۇرلەرى سارالاۋ جۇيەسىمەن قارجىلاندىرىلادى

ءماجىلىس توراعاسى نۇرلان نىعماتۋليننىڭ جەتەكشىلىگىمەن وتكەن تومەنگى پالاتانىڭ جالپى وتىرىسىندا التى ماسەلە قارالدى. ونىڭ ىشىندە ەڭ نەگىزگىسى – مادەنيەت جانە سپورت ءمينيسترى ارىستانبەك مۇحامەدي ۇلى تانىستىرعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بولدى. باياندامادا مالىمدەلگەندەي, بۇدان بىلاي ەلدەگى سپورت تۇرلەرىن قارجىلاندىرۋ تەتىگى سارالاۋ جۇيەسى ارقىلى ىسكە اسىرىلاتىن سەكىلدى. وتىرىستى اشقان ءماجىلىس توراعاسى دەپۋتاتتارعا الدىمەن جاڭا ارىپتەستەرى سەرىك ساپيەۆتى رەسمي تۇردە تانىستىردى. ودان كەيىن كۇن ءتارتىبى ناقتىلانىپ, بەس زاڭ جوباسىنا قاتىستى قورىتىندى ازىرلەۋ جونىندە ارنايى قاۋلى قابىلداندى. حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ «قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى اۆياتسيالىق ىزدەستىرۋ جانە قۇتقارۋ سالاسىنداعى ىنتىماقتاس­تىق تۋرالى كەلىسىمدى راتيفيكاتسيا­لاۋ تۋرالى» زاڭعا جانە «1996 جىلعى 18 قازانداعى قازاقستان رەسپۋبليكاسى­نىڭ ۇكىمەتى مەن رەسەي فەدەراتسياسى­نىڭ ۇكىمەتى اراسىنداعى تەمىر جول كولىگى كاسىپورىندارىنىڭ, مەكەمەلەرى مەن ۇيىمدارىنىڭ قىزمەتىن قۇقىق­تىق رەتتەۋدىڭ ەرەكشەلىكتەرى ءجونىن­دەگى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى بويىنشا قورىتىندى ازىرلەۋ جونىندە بايانداما جاسادى. سونداي-اق, بايانداماشىنىڭ «2012 جىلعى 11 مامىرداعى قازاقستان رەس­پۋب­لي­كا­سىنىڭ ۇكىمەتى مەن قىرعىز رەس­پۋب­ليك­اسىنىڭ ۇكىمەتى اراسىنداعى قازاق­ستان رەسپۋبليكاسى ازاماتتارىنىڭ قىر­عىز رەسپۋبليكاسى اۋماعىندا جانە قىر­عىز رەسپۋبليكاسى ازاماتتارىنىڭ قازاق­ستان رەسپۋبليكاسىنىڭ اۋماعىندا بولۋ ءتارتىبى تۋرالى كەلىسىمگە وزگەرىستەر مەن تولىق­تىرۋلار ەنگىزۋ تۋرالى حاتتا­مانى راتيفيكاتسيالاۋ تۋرالى» جانە «قازاق­ستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى رەادميسسيا تۋرالى كەلىسىمدى جانە قازاقستان رەسپۋبليكاسىنىڭ ۇكى­مەتى مەن قىرعىز رەسپۋبليكاسىنىڭ ۇكى­مەتى اراسىنداعى رەادميسسيا تۋرالى كەلى­سىم­دى ىسكە اسىرۋ ءتارتىبى تۋرالى اتقارۋ حاتتا­ماسىن راتيفيكاتسيالاۋ تۋرالى» زاڭ جوبالارىنا قاتىستى سويلەگەن سوزىنەن سوڭ, الەۋمەتتىك-مادەني دامۋ كوميتەتىنىڭ ءتورايىمى گۇلنار يقسانوۆا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا قورىتىندى ازىرلەۋ قاجەت ەتىلىپ وتىرعانىن ايتتى. ءسوي­­تىپ, وتىرىسقا قاتىس­قان دەپۋتاتتار تا­راپى­نان جوعارىدا اتال­عان زاڭ جوبا­لارى­نا قاتىستى قاۋلى ءبىراۋىزدان قابىلداندى. مادەنيەت جانە سپورت مينيسترلىگىنىڭ ۇيىتقى بولۋىمەن ازىرلەنىپ, ءماجىلىستىڭ جالپى وتىرىسىندا العاش رەت تانىستىرىلعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن مينيستر ا.مۇحامەدي ۇلى ەگجەي-تەگجەيلى باياندادى. اتالعان زاڭ جوباسى دەنە شىنىق­تىرۋ مەن سپورتتى دامىتۋدىڭ 2025 جىل­دارعا دەيىنگى تۇجىرىمداماسىنا جانە ەل ۇكىمەتىنىڭ زاڭ جوبالاۋ جۇمىستارى­نىڭ جوسپارىنا سايكەس ازىرلەنگەن­دىگىن تىلگە تيەك ەتكەن بايانداماشى, مۇن­داعى ماقسات سپورتتى قارجىلاندىرۋدىڭ قولدانىستاعى جۇيەسىن جەتىلدىرۋ بولىپ تابىلاتىندىعىن باسا ايتتى. سوندىقتان دا, سپورتتى قارجىلاندىرۋ بويىنشا ۇسىنىلىپ وتىرعان زاڭ جوباسىنداعى جاڭا ۇلگىدە قازاقستان ءۇشىن پەرسپەكتيۆالى بولىپ كەلەتىن جانە قازاقستاندىق سپورت­شىلار حالىقارالىق دەڭگەيدە جوعارى ناتيجەلەرگە قول جەتكىزەتىن سپورت تۇرلەرىن رەسپۋبليكالىق جانە وبلىستىق دەڭگەيدە ءتيىمدى قارجىلاندىرۋدى قامتاماسىز ەتۋگە باسىمدىق بەرىلمەك. سول سەبەپتەن, مۇندا ۇلتتىق وليمپيادا كوميتەتىنە دەنە شىنىقتىرۋ جانە سپورت سالاسىنداعى مەملەكەتتىك تاپسىرىستى الۋ جانە وعان قاتىسۋ قۇقىعىن بەرۋ كوزدەلەدى. «بيۋدجەتتى ايقىنداعان كەزدە سپورت تۇرلەرىن سارالاۋ تەتىكتەرى ەسكەرىلەتىن بولا­دى. ال وسى سارالاۋ كورسەتكىشتەرىنە حالىق­­ارالىق جارىستارداعى سپورت جەتىس­تىك­تەرى, سپورت ءتۇرىنىڭ ۇلتتىق-مادەني «ءداس­تۇرلىلىگى», كادرلىق الەۋەت پەن ماتە­ريال­دىق-تەحنيكالىق بازانىڭ بولۋى, ءوڭىر­دىڭ كليماتتىق جاعدايىنا بايلانىستى سپورت تۇرلەرىنىڭ ەرەكشەلىكتەرى دە نازاردان تىس قالمايدى. دەمەك, زاڭ قابىلدانسا, ونىڭ قۇقىقتىق, الەۋمەتتىك-ەكونوميكالىق كەرى سالدارى بولمايدى دەگەن ءسوز», – دەپ وي قورىتقان مينيستر بايانداماسىنان سوڭ, وعان دەپۋتاتتار تاراپىنان سۇراقتار قويىلدى. بۇل ساۋالدار بويىنشا حالىقارالىق دەڭگەيدەگى مامان دايارلاۋ ءىسى مەن سپورت­شى­لار­دى بيۋدجەت قاراجاتى ارقىلى قار­جى­لان­دىرۋ تەتىگى, بۇقارالىق سپورت پەن ۇلت­تىق سپورت تۇرلەرى جانە ونى دامىتۋ, اتال­عان سالانى دەمەۋشىلەر تاراپى­نان قارجىلاندىرۋدى زاڭداستىرۋدىڭ تەتىك­تەرى سىندى ماسەلەلەر كوتەرىلدى. ەشبىر ساۋالدى جاۋاپسىز قالدىرماعان مينيسترگە ءوتىپ كەتسە دە وزەكتىلىگىن جويماعان وتكىر سىن دا ايتىلدى. «اق جول» پارتياسىنىڭ توراعاسى ازات پەرۋاشەۆتىڭ دوپينگ داۋىنا قاتىستى وليمپيادا التىنىنان ايىرىلعان ەل سپورتشىلارىنىڭ جاي-كۇيى مەن ولاردىڭ جاۋاپكەرشىلىگىنە قاتىستى مالىمدەمەسى ءماجىلىس توراعاسىن دا بەي-جاي قالدىر­مادى. «التىننان ايىرىلعان سپورتشى مەملەكەتتىڭ قاراجاتىن قاشان, قايتىپ قايتارادى جانە ونىڭ كومانداسى قانداي جازاعا تارتىلۋى ءتيىس؟» دەگەن ساۋالدى توتەسىنەن قويعان دەپۋتاتقا ارىستانبەك مۇحامەدي ۇلى ماسەلەنىڭ وتە ورىندى كوتەرىلىپ وتىرعاندىعىن ايتتى: «بۇل وتكەن كۇندەردىڭ ەنشىسىندە قالعان دۇنيە دەسەك تە, ول ءالى دە بولسا ءوزىنىڭ وزەكتىلىگىن جويعان جوق. الايدا, ءبىز اتالعان ماسەلەگە قاتىستى بۇگىنگى زاڭ جوباسىنا ناقتى ۇسىنىستار ەنگىزىپ ۇلگەرمەدىك. قازىرگى تاڭدا سالا ماماندارىمەن كەڭەسە وتىرىپ, حالىقارالىق تاجىريبەلەرگە ساراپتاۋ جۇرگىزۋدەمىز. جاقىن كۇندەرى وسى سەكىلدى كەلەڭسىز جاعدايعا ۇشىراعان سپورتشىلاردىڭ وزىمەن قوسا, ونىڭ تۇتاس كومانداسىن قىلمىستىق جاۋاپكەرشى­لىك­كە تارتۋدىڭ نەگىزدەرىن ناقتىلايتىن بولامىز», – دەدى مينيستر. ەستەرىڭىزگە سالا كەتەيىك, زاڭ جوباسىن­داعى تاعى ءبىر جاڭاشىلدىقتاردىڭ ءبىرى – سارالاۋ جۇيەسى اياسىندا سپورت ءتۇر­لەرىنىڭ وڭىرلىك تىزبەسىن قۇرۋ مەن ونىڭ فۋنك­تسيا­لارىنا قاتىستى ءتارتىپتىڭ ەنگىزىلۋى بول­دى. ياعني, قۇجات قابىلدانسا, ەل ايماق­تارىن­داعى قۇزىرەتى باسىم سپورت ءتۇر­لەرىنىڭ تىزبەسىن ازىرلەۋ مەن بەكىتۋ جەرگى­لىك­تى اتقارۋشى ورگانداردىڭ وزدەرىنە جۇك­­تەل­مەك. سونداي-اق, بۇقارالىق سپورت پەن ۇلت­تىق سپورت تۇرلەرىن عانا ەمەس, مۇگە­دەك­تەر اراسىنداعى سپورتتىڭ دامۋىن قام­تا­ما­سىز ەتىپ, سپورتشىلار مەن ولاردىڭ جات­تىق­تىرۋشىلارىنا تولەنەتىن اي سايىنعى قارجى كولەمدەرىن ايقىنداپ, بەكىتۋ دە وسى زاڭ جوباسىندا ناقتى كورسەتىلگەن. نۇرلىبەك دوسىباي, «ەگەمەن قازاقستان»