سەرىك ساپيەۆ دوپينگ ءۇشىن قىلمىستىق جاۋاپقا تارتۋ ىسىنە پىكىر ءبىلدىردى

1. 

قر پارلامەنتى ءماجىلىسىنىڭ دەپۋتاتى, وليمپيادا چەمپيونى سەرىك ساپيەۆ دوپينگ ءۇشىن قىلمىستىق جاۋاپكەرشىلىكتى ەنگىزۋ تۋرالى ۇسىنىستارعا اسىقپاۋعا شاقىردى, دەپ حابارلايدى قازاقپارات. «دوپينگ ءۇشىن قىلمىستىق جاۋاپكەرشىلىك – ول اۋىر ماسەلە. جەڭىس ءۇشىن 250 مىڭ دوللار كولەمىندە سىياقى الاسىڭ, سونىمەن قاتار باپكەردىڭ دە ەڭبەگى ىنتالاندىرىلادى. كەيىننەن ەكى جىلدان سوڭ سەنەن دوپينگ انىقتالسا, التىن مەدالىڭدى تارتىپ الادى. ءوز كەزەگىڭدە بۇل مەرزىم ىشىندە سەن بارلىق اقشانى جۇمساپ قوياتىنىڭ انىق. شىن مانىندە, بۇل رەتتە مەملەكەتتىك بيۋدجەتتىڭ قارجىسىن جۇمساعانىڭدى تۇسىنەسىڭ. ياعني, ەكى جىل بۇرىن تانىمالدىلىققا يە بولىپ, باتىر دەڭگەيىندە قابىلدانىپ ءجۇردىڭ. ال بۇل جەردە ەندى ادامدى قاماۋعا وتىرعىزۋ كەرەكتىگى كوتەرىلىپ وتىر. بۇل ماسەلەنى تالقىلاۋ كەرەك»,-دەدى ساپيەۆ ماجىلىستەگى جالپى وتىرىستان كەيىن. ايتا كەتەيىك, قر مادەنيەت جانە سپورت مينيسترلىگى دوپينگ ءۇشىن جاۋاپكەرشىلىكتى سپورتشىمەن قاتار, وسى ۇدەرىسكە قاتىسى بار بارلىق كومانداعا قىلمىستىق جاۋاپكەرشىلىك ەنگىزۋدى قاراستىرىپ وتىر.