كاحابەر تسحادادزە: «قايراتقا» جاڭا ويىنشىلار كەلۋى مۇمكىن

«قايرات» فۋتبول كلۋبى بۇگىن جانكۇيەرلەرى مەن بۇقارالىق اقپارات قۇرالدارىنا ارناپ ءباسپاسوز جيىنىن وتكىزدى. جيىندا كوماندانىڭ جاتتىقتىرۋشى كاحابەر تسحادادزە ماۋسىم الدىنداعى دايىندىقتار مەن جوسپارلارى تۋرالى مالىمدەدى. رەسەيدە وتكەن گراناتكين مەموريالى تۋرنيرىندە جاستارىمىز ءساتتى اياقتادى. جاس ويىنشىلار قاتارىندا ايدوس ورال مەن ەركەبۇلان سەيداحمەت ەرەكشە ويىنىمەن كوزگە ءتۇستى. «ماۋسىمارالىق ۇزىلىستە جاستاردى دا, تاجىريبەلى ويىنشىلاردى دا قاراستىردىق. وقۋ-جاتتىعۋ جيىندارى كەزىندە بىزبەن تالاي تالانتتى ويىنشىلار جاتتىقتى. ۇلكەن فۋتبولعا ەندى قادام باسقان جىگىتتەر دامۋ ۇستىندە دەسەك بولادى. سوندىقتان ولاردى بىردەن نەگىزگى قۇرامدا ويناتا المايمىز. جاس ويىنشىلارمەن جۇمىس ىستەيتىن «قايراتتىڭ» ارنايى جاتتىقتىرۋشىلارى بار. ولاردىڭ كەڭەسىن باستى نازارعا الامىز. تالانتتى ويىنشىنى تاپقانمەن, ءبىرىنشى قۇرامدا جاتتىعۋ جاساۋعا دايىن بولماسا, ءبىز ونىڭ بوسقا ۋاقىتىن الۋىمىز مۇمكىن. ۋاقىتى كەلگەندە ولار دا ءوز مۇمكىندىگىن الاتىن بولادى», – دەدى كاحابەر تسحادادزە. Vesti.kz مالىمەتى بويىنشا "قايرات" جاتتىقتىرۋشىسى جاڭا ويىنشىلاردىڭ كەلەتىندىگىن مالىمدەدى. «ءبىز الداعى ويىندارعا ويىن جوسپارىن قۇرىپ قويعانبىز. ورتالىق شابۋىلشى قىزمەتىن باۋىرجان تۇرىسبەك تاماشا ورىنداي الادى دەپ سەنەمىز. وقۋ-جاتتىعۋ جيىندارىندا سەنىمنەن شىعا ءبىلدى. اسىرەسە, ماسكەۋدىڭ "دينامو" كومانداسىنا قارسى ويىندا تاماشا ويىنىمەن كوزگە ءتۇستى. باسشىلىق بۇل سۇراقتى ەشقاشان نازاردان تىس قالدىرماعان. ويىنشى الۋ ءۇشىن دە ونىڭ كومانداعا تيگىزەتىن پايداسىن ساراپتاپ الۋ كەرەك. بۇل باعىتتا جۇمىستار جاسالىپ كەلەدى. جاقىندا كوماندا قۇرامى تاعى دا جاڭا ويىنشىلارمەن تولىعىپ قالۋى ابدەن مۇمكىن», – دەدى ول. «قايرات» ساپىنان وسى برۋنو سوارەس كەتكەن بولاتىن. كاحابەر تسحادادزە بۇل جونىندە: «تىزە جاراقاتى وتە اۋىر. كەزىندە ءوزىم دە وسىدان زارداپ شەككەنمىن. قايتا قالپىڭا كەلۋ قيىن. وكىنىشكە وراي, برۋنو بىلتىر وسى جايتقا تاپ بولدى. ول ءۇشىن بارلىعىن جاسادىق. ماۋسىم سوڭىنا دەيىن ساۋىعىپ كەتۋىن كۇتتىك. سەگىز اي ىشىندە بار جاعدايى جاسالدى. وكىنىشكە وراي, بۇرىنعى قالپىنا كەلە المادى. وقۋ-جاتتىعۋ جيىندارى كەزىندە جاتتىعۋلاردى تولىقتاي ورىنداي الماي جۇرگەنى بايقالدى. ءبىز وعان نەگىزگى كوماندادا جاتتىققانىمەن, ءبىرىنشى ليگادا ويناۋ تۋرالى ۇسىنىس جاسادىق. ءتيىسىنش, ول كەلىسپەدى. سوندىقتان وزگە كومانداعا اۋىسۋ تۋرالى شەشىم قابىلدادى. وعان دەنساۋلىق, الداعى ويىندارىنا ساتتىلىك تىلەيمىز», – دەدى جاتتىقتىرۋشى. ايتا كەتەيىك, 4 ناۋرىز كۇنى الماتىدا قازاقستان سۋپەركۋبوگىن «قايرات» پەن «استانا» ساراپقا سالادى.