گولوۆكين: مەيۋەزەرمەن جۇدىرىقتاسۋ ءۇشىن سالماعىمدى ازايتۋعا دايىنمىن

قازاقستاندىق بوكسشى گەننادي گولوۆكين (36-0, 33 كو) ESPN تەلەارناسىنداعى First Take باعدارلاماسىنا بەرگەن سۇحباتىندا كىشى فلويد مەيۋەزەر (49-0, 26 كو) مەن ساۋل «كانەلو» الۆارەس (48-1-1, 34 كو) اراسىنداعى ايىرماشىلىق جايلى ايتىپ بەردى. «ارينە, مەيۋەزەر شارشى الاڭعا ورالىپ جاتسا, ونىمەن جۇدىرىقتاسۋ ءۇشىن 155-160 فۋنتقا دەيىن سالماعىمدى ازايتۋعا دايىنمىن. فلويد پەن «كانەلو» اراسىندا ۇلكەن ايىرماشىلىق بار. فلوي ول – فلويد, pound-for-pound رەيتينگىندە كوش باستاپ تۇر. ال «كانەلو» كىم؟ مەن تەك ونىڭ بوس سوزدەرىنە لايىقتى جاۋاپ بەرۋ ءۇشىن جەكپە-جەك وتكىزگىم كەلەدى. وعان دەگەن قۇرمەتىم قالمادى. ول وتە ءوزىمشىل ادام», – دەدى گولوۆكين. ايتا كەتەيىك, GGG كىشى فلويدتى بىرنەشە رەت جەكپە-جەككە شاقىرعان. الايدا, ول كەلىسسوزدەرگە كەلمەي, ءۇزىلدى-كەسىلدى باس تارتقان. ال الۆارەس وتكەن جىلى امير حاندى جەڭگەننەن كەيىن قازاقستاندىقتى ايقاسقا شاقىرعان. سونداي-اق, گولوۆكين ونىڭ مىندەتتى قارسىلاسى ەدى. بىراق مەكسيكالىق بوكسشى WBC بەلبەۋىن ءوز ەركىمەن بەرىپ, سالماعىن اۋىستىرعان بولاتىن.