قازاقستان حالقى اسسامبلەياسى كەڭەسىنىڭ ۇندەۋى

قۇرمەتتى وتانداستار!

1 ناۋرىز كۇنى ءبىز جالپى­حا­لىقتىق مەرەكە – العىس ايتۋ كۇ­نىن اتاپ وتۋدەمىز. بۇل مەرەكە ءبىزدىڭ ورتاق تاريحىمىزدىڭ سيمۆولى, قازاقستان حالقىنىڭ جال­پى­ۇلتتىق بىرلىگىنىڭ, قۇرمەتى مەن ىنتىماعىنىڭ كۇنى. بۇل – ۇلى دالا ەلىنىڭ ۇلاعاتتى وتكەنىنە تاعزىم, ماڭگىلىك ەلدىڭ بۇگىنىنە جانە بولاشاعى ءبىرتۇتاس ەلدىڭ ەرتەڭىنە دەگەن نىق سەنىم. ەلباسى نۇرسۇلتان ءابىش ۇلى نازارباەۆتىڭ باس­تاماسىمەن بەكىتىلگەن العىس ايتۋ كۇنى بەيبىتشىلىك پەن كەلىسىمنىڭ پرەزيدەنتتىك ساياساتىنىڭ جارقىن كورىنىسىنە اينالدى. مەملەكەت باسشىسىنىڭ سىندارلى ساياساتىنىڭ ارقاسىندا ەل ىشىندە قالىپتاسقان ءوزارا تۇسىنىستىك پەن ءبىر-بىرىنە قولداۋ كورسەتۋ ەلىمىزدىڭ, ءبىزدىڭ قازاقستاندىق ۇلكەن وتباسىنىڭ رۋحاني قاعيداتى بولىپ قالىپتاستى. بۇگىن ءبىز ميلليونداعان ادامنىڭ ءوز ۇلتتىق ەرەكشەلىكتەرىن ساقتاپ, باقىتىن تاپقان وتانىنا اينالعان كيەلى قازاق جەرىنە, قايىرىمدىلىعى مەن كەڭپەيىلدىگى, دانالىعى مەن قوناقجايلىلىعى ءۇشىن قازاق حالقىنا العىس ايتامىز. قيىن-قىستاۋ جاعدايدا ءبىر-بىرىنە قولۇشىن سوزىپ, يىق تىرەپ كومەك كورسەتۋ – دالا حالقى ءۇشىن جازىلماعان زاڭ. مۇنداي دۇنيەتانىمنىڭ نەگىزىندە ادامعا دەگەن شىنايى قۇرمەت قالىپتاسقان. وتانىمىزدىڭ تاريحى مەن جيناقتاعان ءتاجىري­بەسىنەن اسقاق گۋمانيزمنىڭ, ادال نيەت پەن شىنايى ريزاشىلىقتىڭ مىڭداعان دالەلدەرىن كورۋگە بولادى. كوپتەگەن جىل بويى ميلليونداعان تاعدىرلاردىڭ توعىسۋى, جۇزدەگەن ەتنوستاردىڭ ءوزارا ارالاسۋى, داستۇرلەرى مەن ومىرلىك ۇستانىمدارىنىڭ ۇشتاسۋى دارا كوشباسشىمىزدىڭ جەتەكشىلىگىمەن قايتالانباس رۋحاني جانە بىرەگەي مادەنيەتى قالىپتاسقان ۇلت بولىپ ۇيىسىپ, بولاتتاي بەرىك بىرلىگى بار ەڭسەلى ەل بولۋىمىزعا نەگىز قالادى. بۇل – قازاقستاننىڭ تاۋەلسىزدىك جىلدارى قول جەتكىزگەن بارلىق جەتىستىكتەرىن ايقىنداپ, ءۇشىنشى جاڭعىرۋدىڭ مىندەتتەرىن ابىرويمەن ورىنداۋعا بەرىك ىرگەتاس بولىپ وتىر. العىس ايتۋ كۇنى قازاقستان حالقىنا ءتان اسىل قاسيەتتەر – پاتريوتيزم, ابىروي مەن ادىلدىك, قۇرمەتتەۋ مەن ىزگىلىك قوسىمشا سەرپىن الادى. بۇل كۇنى ءبىز اتا-بابالارىمىزدى ريزاشىلىقپەن ەسكە الامىز, اتا-انالارىمىزعا, مۇعالىمدەرىمىزگە, زەينەتكەرلەرگە, ارداگەرلەرگە, ءبىر-بىرىمىزگە العىس ايتىپ, حالقىمىزدىڭ قايىرىمدىلىق داستۇرلەرىن جالعاستىرامىز. ءبىز بۇگىن اشارشىلىق پەن قۋعىن-سۇرگىن جىلدارى جازىقسىز جاپا شەككەن قازاق حالقىنىڭ ۇلدارى مەن قىزدارىنا پانا بولعان ەلدەرگە شەكسىز ريزاشىلىعىمىزدى بىلدىرەمىز! ءبىزدىڭ العىسىمىز بەن دوستىعىمىزدى قابىل الىڭىزدار! ءبىز 1 ناۋرىزدا قوعامدىق كەلىسىم مەن جالپىۇلتتىق بىرلىكتى نىعايتۋدىڭ ىرگەتاسى – ەلباسى باسقاراتىن قازاقستان حالقى اسسامبلەياسىنىڭ قۇرىلعان كۇنىن اتاپ وتەمىز. حالىق اسسامبلەياسى وتكەن 22 جىلدا بارلىق 18 ميلليون قازاقستاندىقتى جالپىازاماتتىق تۇعىرناماعا توپتاستىردى. بۇگىنگى تاڭدا قازاقستاننىڭ بارشا حالقى قازاقستان حالقى اسسامبلەياسىنىڭ توراعاسى, ەلىمىزدىڭ تۇڭعىش پرەزيدەنتى نۇرسۇلتان ءابىش ۇلى نازارباەۆقا ەلدەگى بەيبىتشىلىك, تىنىشتىق, تۇراق­تىلىق پەن بولاشاققا دەگەن سەنىم ءۇشىن اسقان ريزاشىلىقپەن ىستىق ىقىلاسىن بىلدىرەدى. ءبىز ەلباسىن, قازاقستان حالقىن العىس ايتۋ كۇنى­مەن, قازاقستان حالقى اسسامبلەياسىنىڭ قۇرىلعان كۇنى­مەن قۇت­تىق­تايمىز, ورتاق ۇيىمىزدەگى بەيبىتشىلىك پەن كەلى­سىم ءۇشىن بارشاڭىزعا ريزاشىلىعىمىزدى بىلدىرەمىز. ءبىز تاريحي زەردەنى ساقتاۋ جانە جالپىۇلتتىق قۇندى­لىق­تارىمىزدى ەسەلەۋ ارقىلى عانا ورتاق ماقس­اتىمىز – تۇراقتى, گۇلدەنگەن جانە ءوسىپ-وركەن­دەگەن قازاقستاندى قۇراتىنىمىزعا سەنىمدىمىز!