كەگەننىڭ «ايسبەرگى»

رايىمبەك اۋدانىنداعى كەرەگە تاۋلى كەگەن وڭىرىندە التى اي قىس بولادى. قازان, قاراشا ايلارىندا جاۋعان قار اقپاننىڭ اياعىنا دەيىن مىزعىماي جاتادى. قۇرعاق سارى شۇناق ايازدا تاۋ وزەنى قاتپاعانىمەن وزگە سۋلار سان قاتپارلى مۇزعا اينالادى. ايتالىق, كەڭەس زامانىندا شىرعاناق دەگەن اۋىلدىڭ ماڭىنان جۋاندىعى بالانىڭ بەلىندەي قۇبىرمەن جەراستى سۋى شىعارىلىپ, القاپتار سۋارىلاتىن. ۋاقىت وتە كەلە سول قۇبىر قاراۋسىز قالعان-تىن. سودان ساقىلداعان سارى اياز جەر بەتىنە شىققان سۋدى قاتپارلاي قاتىرىپ جۋاندىعىنا ءتورت-بەس ادامنىڭ قۇشاعى جەتپەيتىن, بيىكتىگى 7, كەي جىلدارى 10 مەتر بولاتىن ايسبەرگكە اينالدىرادى. ەكى اۋىلدىڭ اراسىنداعى كۇرەجولدىڭ بويىنداعى مۇزتاۋ ىسپەتتى ايسبەرگتى العاش كورگەن ادام مىندەتتى تۇردە بۇرىلىپ انىقتاي كورىپ, قولىن تيگىزىپ كەگەننىڭ كەرەمەتىنە تامسانا­تىنى انىق. ايتەۋىر ءبىر تار­تىم­دىلىعى بار. نۇربول الدىباەۆ, «ەگەمەن قازاقستان» الماتى وبلىسى, رايىمبەك اۋدانى