اقىندار دا ايتادى-اۋ...

– تەڭىزدىڭ سۋىن ىشۋگە بولا ما؟ – دەپ سۇراعانعا نۇرلان مۇساەۆ دەگەن ساباز: – جۇزە الماساڭ ىشەسىڭ عوي, – دەپ جاۋاپ قاتقان دەسەدى. * * * جاس ايتىسكەر اقىن تاڭ­جارىق ەرجان اتاقتى بالعىنبەك يماشەۆپەن تانىسۋعا بارىپ: «اتىم تاڭجارىق, تاڭعا جۋىق تۋىلعان سوڭ اتا-انام سولاي دەپ اتاپتى. وزىمنەن كەيىن كەشجارىق دەگەن ءىنىم بار» دەسە بالعىنبەك: «قايىرلى ءتۇن دەگەن قارىنداستارىڭ جوق پا؟» – دەگەن ەكەن. * * * وتكەن جىلى شىلدە ايىندا شىعىس قازاقستان وبلىسىنداعى اقسۋات وڭىرىندە رەسپۋبليكالىق ايتىس بولدى. ءجۇرسىن ەرمان باستاعان اقىنداردى تارباعاتاي اۋدانىنىڭ اكىمى دىلدابەك ورازباەۆ پەن ايتىستى ۇيىمداستىرۋشى كاسىپكەر دۋلات تاستەكەەۆ باستاعان ازاماتتار قۇراق ۇشىپ قارسى العان. ارنايى تىگىلگەن كيىز ۇيدەگى داستارقاننان كەيىن الداعى جوسپاردى سۇراعان جۇكەڭە ۇيىمداس­تىرۋشىلاردىڭ ءبىرى: – ەندى قازىر ءحىح عاسىرداعى اتاقتى ءتاۋىپ, اۋليە ىرعىزباي دوسقانا ۇلىنىڭ باسىنا بارامىز. سول جەردە كەرەكتەرىڭىزدى سۇراڭىزدار. اۋليە سۇراعان­دارىڭىزدى بەرەدى, – دەيدى. موڭعوليانىڭ بايان ولگەي ايماعىنا بارىپ, جولدان شارشاڭقىراپ تۇرعان ءجۇرسىن اعا: – ىرعىزباي بۇل جەردەن قانشا شاقىرىم؟ – دەپ سۇرادى. – سەكسەن شاقىرىم. قۋلانا كۇلگەن جۇكەڭ: – وندا سوناۋ جاقتاعى اۋليەنى اۋرە قىلماي-اق كەرە­گىمىزدى قاسىمىزداعى اكىمنەن سۇراي سالايىق تا, – دەپ تۇرعان­داردى قىران-توپان كۇلكىگە قارىق قىلعان ەكەن. ازىرلەگەن راۋان قايدار, «ەگەمەن قازاقستان»