ۇسەن جيناعان ەسكى تيىندار

ورداباسى اۋدانىنداعى «توقسانساي» ورتا مەك­تەبىنىڭ ديرەكتورى ۇسەن التىباەۆ بوس ۋاقى­تىندا ەسكى تيىنداردى جيناۋ ىسىمەن اينالىساتىنىن ەستىپ, ارنايى ىزدەپ باردىق. – مەن تاريح ءپانىنىڭ مۇعا­لىمىمىن. تۋىپ-وسكەن ولكەنىڭ تاريحىن زەرتتەۋ, ەسكى جادىگەرلەر جيناقتاۋ جۇمىسىن ەڭبەككە ارالاسقان العاشقى كۇندەردەن -اق باستاعانمىن, – دەيدى ۇسەكەڭ اعىنان جارىلىپ. ءوزى ءبىلىم العان «توقسانساي» ورتا مەكتەبىندە تاريح ءپانىنىڭ مۇعالىمى بولىپ ەڭبەك جولىن باستاپ, بۇگىندە اتالمىش ءبىلىم ورداسىنا ون ەكى جىلدان بەرى باسشىلىق جاساپ كەلە جاتقان ۇسەكەڭ جيناقتاعان ەسكى تيىندار ءبىرشاما ەكەن. ارنايى جاسالعان ەكى البومعا رەت-رەتىمەن ور­نالاستىرىلعان ولاردىڭ اراسىندا ءحVىى-ءحVىىى عاسىرداعى قىتاي تيىندارى, 1859 جانە 1870 جىلدارعى رەسەي پاتشالىعى تيىندارى, ەجەلگى سايرام, شاش قالالارىنان تابىلعان كۇمىس اقشالار, وكتيابر توڭكەرىسىنەن كەيىنگى جانە ءار جىلدارداعى كەڭەس وكىمەتى كەزىندەگى تيىندار ەرىكسىز قىزىعۋشىلىعىڭىزدى تۋدىرادى. – مەكتەبىمىزدە ولكەتانۋ مۋزەيىن اشۋدى قولعا الىپ جاتىرمىز. جاۋگەرشىلىك زاماندا اتا-بابالارىمىز قولدانعان نايزا, ساداق ۇشتارى, ەجەلگى ىدىس-اياقتار, ت.ب. زاتتار جيناق­تالىپ قالدى. تيىنداردى دا قويامىز. بۇگىنگە دەيىن ءبىراز ەجەل­گى تيىنداردى كورشى اۋىل­داعى ولكەتانۋ مۋزەيىنە قويدىق, – دەيدى ۇسەن التىباەۆ. ءبىز ۇسەن التىباەۆ مىرزانىڭ وسىناۋ ءتالىمدى ىستەرىنە ءتانتى بولىپ كايتتىق. اسقار ومارحانوۆ, جۋرناليست وڭتۇستىك قازاقستان وبلىسى, ورداباسى اۋدانى