ەلسيار قاناعاتوۆ: دەنيس ءوزىنىڭ مىقتىلىعىن ءالى دە دالەلدەيدى

جاپونيانىڭ ساپپورو قالاسىندا وتكەن VIII قىسقى ازيا ويىندارىندا قازاقستاندىق مانەرلەپ سىرعاناۋشى دەنيس تەن 9-ورىنعا يە بولعان ەدى. قر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ سپورتشى ءۇمىتتى نەلىكتەن اقتاي الماعاندىعىن ايتتى. «دەنيس تەن ازيا ويىندارىندا ءساتسىز ونەر كورسەتتى. ارينە, جوعارى ناتيجە كۇتكەنىمىز انىق. بىراق بارىنە تۇسىنىستىكپەن قارايىق. سپورتشى ارقاشان بابىندا بولا بەرمەيدى. جاراقات الىپ قالاتىن ساتتەرى بولادى. ودان بولەك پسيحولوگيالىق قىسىم بار. سپورت بولعاندىقتان جەڭىلىس تە بولىپ تۇرادى», – دەدى ول. ەلسيار قاناعاتوۆ دەنيستىڭ الداعى ءدۇبىرلى دودادا تۇعىردان كورىنەتىندىگىنە سەنىم ءبىلدىردى. «دەنيس الداعى ۋاقىتتا ءوزىنىڭ مىقتى سپورتشى ەكەندىگىن دالەلدەيدى دەپ ويلايمىن. حالىقارالىق سايىستاردا نامىستى قولدان بەرمەۋگە تىرىسادى دەگەن ۇمىتتەمىن», – دەدى كوميتەت توراعاسى. ايتا كەتەيىك, جاپونيادا وتكەن ءVىىى قىسقى ازيا ويىندارىندا دەنيس تەن قىسقا باعدارلاماسىندا ۇز ايدىنىنا شىعا سالىپ ءبىر رەت قۇلاپ قالعان. وسى ساتسىزدىكتەن كەيىن تورەشىلەر بار-جوعى 72,98 بالل بەردى.