وڭتۇستىك قازاقستاندا شاعىن جانە ورتا بيزنەستەن قازىناعا 150 ملرد تەڭگە ءتۇستى

وڭتۇستىك قازاقستان وبلىسىندا شاعىن جانە ورتا بيزنەستەن قازىناعا 150 ملرد تەڭگە ءتۇستى. بۇل تۋرالى وڭىرلىك كوممۋنيكاتسيا قىزمەتىندە وتكەن بريفينگتە وقو بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى عالىمجان ورىنوۆ ءمالىم ەتتى, دەپ حابارلايدى وبلىس اكىمدىگىنىڭ ءباسپاسوز قىزمەتى. ونىڭ ايتۋىنشا, وبلىستاعى 211 مىڭ شاعىن جانە ورتا بيزنەس وكىلدەرىنەن قازىناعا وتكەن جىلى 150 ملرد تەڭگە ءتۇستى. بۇل 2015 جىلمەن سالىستىرعاندا 9,8 ملرد تەڭگەگە ارتىق. «ءبىزدىڭ سالانىڭ نەگىزگى قىزمەتىنە قاتىستى تاپسىرمانىڭ تاعى ءبىرى – ول بيزنەس ورتانى تۇبەگەيلى جاقسارتۋ, وعان وڭتايلى جاعداي جاساۋ جانە كەڭەيتۋ. وسى رەتتە, جەكە كاسىپكەرلەردىڭ مەملەكەتتىك ورگاندارعا ۇسىنىلاتىن قۇجاتتاردىڭ سانى 7-دەن 4-كە دەيىن قىسقارتىلدى. بيۋدجەتتىك سىنىپتامانىڭ 208 كودىنان (بسك) 119–عا (57,2%), قوسىمشا قۇن سالىعىن قايتارۋ مەرزىمدەرى 180 كۇننەن 155 كۇنتىزبەلىك كۇنگە دەيىن قىسقارتىلدى», –– دەدى دەپارتامەنت باسشىسىنىڭ ورىنباسارى. بريفينگتە ءمالىم بولعانداي, 2016 جىلى وبلىسىمىزدىڭ سىرتقى تاۋار اينالىمى 1 ملرد 763 ملن اقش دوللاردى قۇراعان. ال كەدەندىك تولەمدەر مەن سالىقتاردان بيۋدجەتكە 53 ملرد 500 ملن تەڭگە كولەمىندە قارجى تۇسكەن. بۇل 2015 جىلعىمەن سالىستىرعاندا 19,6 ملرد تەڭگەگە نەمەسە 58% وسكەن. سونىمەن قاتار, وتكەن جىلى مەملەكەتتىك كىرىستەر دەپارتامەنتى تاراپىنان حالىققا 1,7 ملن مەملەكەتتىك قىزمەت كورسەتىلدى. ونىڭ ىشىندە, قىزمەتتىڭ 1,4 ملن نەمەسە 81% ەلەكتروندى تۇردە, ال ەلەكتروندى ۇكىمەت ۆەب-پورتالى ارقىلى 11 مىڭنان استام قىزمەت كورسەتىلدى. بۇل ەلباسى جولداۋىندا ايتىلعان تسيفرلىق يندۋستريانى, ياعني, IT سالاسىن دامىتۋ تاپسىرماسىن اتالعان دەپارتامەنت بۇگىندە ناتيجەلى جۇزەگە اسىرۋىنىڭ ايعاعى.