وڭتۇستىك قازاقستاندا 1300 شاقىرىم جول جوندەلەدى

وڭتۇستىك قازاقستان وبلىسىندا بيىل 501 نىسان نەمەسە 1356,1 شاقىرىم جول مەن كوشە, 3 جاياۋ جۇرگىنشىلەر وتكەلى جانە 12 كوپىردە قۇرىلىس-جوندەۋ جۇمىستارىن باستاۋ جوسپارلانىپ وتىر, دەپ حابارلايدى وبلىستىق اكىمدىكتىڭ ءباسپاسوز قىزمەتى. جولداردى دامىتۋ جۇمىستارى بويىنشا بۇل كورسەتكىش وتكەن جىلمەن سالىستىرعاندا ەكى ەسەگە كوپ. جۇمىستاردى اتقارۋعا بيۋدجەتتەن 26 ملرد. تەڭگەدەن استام قارجى قارالعان. ناقتىراق ايتقاندا, 2017 جىلى 11 نىسان, ياعني 50,7 شاقىرىم جول مەن 3 جاياۋ جۇرگىنشىلەر وتكەلى جاڭادان سالىنسا, 17 نىسان – 59,9 شاقىرىم جول قايتا جاڭارۋدان وتەدى. 97,6 شاقىرىم جول مەن 4 كوپىر (13 نىسان) كۇردەلى جوندەۋدەن ءوتىپ, 1147,9 شاقىرىم جول مەن 8 كوپىر (460 نىسان) ورتاشا جوندەۋدەن وتەتىن بولادى. مۇنان بولەك, قازىنا قارجىسى وبلىستىق ماڭىزداعى 4330,3 شاقىرىم اۆتوموبيل جولدارى مەن 32 جوبانى ازىرلەۋگە (426,8 شق.) ۇقساتىلماق. ايتا كەتەيىك, 2016 جىلى 305 نىسان نەمەسە 640,9 شاقىرىم جول مەن كوشەلەر جانە جاياۋ جۇرگىنشىلەر جولىنىڭ قۇرىلىس-جوندەۋ جۇمىستارى جۇرگىزىلگەن ەدى. تاراتىپ ايتساق, ۇزىندىعى 30,8 شاقىرىم جول (6 نىسان) جاڭادان سالىنسا, 27,1 شاقىرىم جول (17 نىسان) قايتا جاڭارۋدان ءوتتى. 23 نىسانعا (148,6 شق.) كۇردەلى جوندەۋ جۇمىستارى جاسالسا, 259 نىسان (434,4 شق.) ورتاشا جوندەلگەن. مۇنان بولەك, بىلتىر شىمكەنت قالاسىنىڭ قاپال باتىر كوشەسىندەگى 1 تەمىرجول وتكەلى مەن وبلىس اۋماعىنداعى 17 كوپىر پايدالانۋعا تاپسىرىلعان بولاتىن.