قازاقستان قور بيرجاسىنا العاشقى شەتەلدىك بروكەر كىردى

«ۋنيۆەر كاپيتال» ااق "قور" جانە "تۋىندى" ساناتتارى بويىنشا قازاقستاندىق قور بيرجاسى اق-نىڭ (KASE) مۇشەلەرىنىڭ قابىلداعان العاشقى شەتەلدىك بروكەر كومپانياسى بولدى, دەپ جازادى KASE-ءنىڭ ءباسپاسوز قىزمەتى. "قور" ساناتتى بويىنشا مۇشەلىككە ەنۋ KASE-دە اينالىمعا ەنگەن قۇندى قاعازداردىڭ بيرجالىق ساۋداسىنا قاتىسۋ مۇمكىندىگىن بەرسە, "تۋىندى" ساناتى ارقىلى كومپانيا تۋىندى قارجى ينستيتۋتتارىنىڭ بيرجالىق ساۋداسىنا قاتىسا الادى. «ۋنيۆەر كاپيتال» كومپانياسى 1995 جىلدان بەرى قور نارىعىندا جۇمىس ىستەپ كەلە جاتقان "ۋنيۆەر" ينۆەستيتسيالىق توبيۋىنىڭ قۇرامىنا كىرەدى. كومپانيا "ماسكەۋ بيرجاسى", "سانكت-پەتەربۋرگ بيرجاسى", جانە "ۇلتتىق ساۋدا بيرجاسى" اق ساۋدالارىنىڭ قاتىسۋشىسى. "بيرجا قازاقستاندىق نارىقتىڭ ينۆەستورلىق بازاسىن كەڭەيتۋ ماقساتىندا شەتەلدىك بروكەرلەردىڭ قاتىۋىنا مۇددەلى. اتالعان كومپانيانىڭ كەلۋىمەن قازاقستان قور بيرجاسى ەاەو ەلدەرىنىڭ نارىعىنا كەڭىنەن جول اشۋدا. 2016 جىلدىڭ قاراشا ايىندا حالىقارالىق بانك "ۆاليۋتالىق" ساناتى بويىنشا KASE-ءنى مۇشەلىككە العان ەدى», — دەيدى KASE باسقارما ءتورايىمى ءالينا الدامبەرگەن.