بيىل وقو-دا 1300 شاقىرىم جول جوندەلەدى

وڭتۇستىك قازاقستان وبلىسىندا بيىل 501 نىسان نەمەسە 1356,1 شاقىرىم جول مەن كوشە, 3 جاياۋ جۇرگىنشىلەر وتكەلى جانە 12 كوپىردە جوندەۋ جۇمىستارىن باستاۋ جوسپارلانىپ وتىر, - دەپ حابارلايدى وقو اكىمىنىڭ ءباسپاسوز قىزمەتى. ءباسپاسوز قىزمەتىندەگىلەردىڭ مالىمەتىنشە, جۇمىستاردى اتقارۋعا بيۋدجەتتەن 26 ميلليارد تەڭگەدەن اسا قارجى بولىنگەن. "2017 جىلى 11 نىسان, ياعني 50,7 شاقىرىم جول مەن 3 جاياۋ جۇرگىنشىلەر وتكەلى جاڭادان سالىنسا, 17 نىسان - 59,9 شاقىرىم جول قايتا جاڭارۋدان وتەدى. 97,6 شاقىرىم جول مەن 4 كوپىر (13 نىسان) كۇردەلى جوندەۋدەن ءوتىپ, 1147,9 شاقىرىم جول مەن 8 كوپىر (460 نىسان) ورتاشا جوندەۋدەن وتەتىن بولادى. مۇنان بولەك, قازىنا قارجىسى وبلىستىق ماڭىزداعى 4330,3 شاقىرىم اۆتوموبيل جولدارى مەن 32 جوبانى ازىرلەۋگە (426,8 شاقىرىم) ۇقساتىلماق", - دەيدى ءباسپاسوز قىزمەتىندەگىلەر. ولاردىڭ ايتۋىنشا, 2016 جىلى 305 نىسان نەمەسە 640,9 شاقىرىم جول مەن كوشەلەر جانە اياقجولداردىڭ قۇرىلىس-جوندەۋ جۇمىستارى جۇرگىزىلگەن ەدى. تاراتىپ ايتساق, ۇزىندىعى 30,8 شاقىرىم جول (6 نىسان) جاڭادان سالىنسا, 27,1 شاقىرىم جول (17 نىسان) قايتا جاڭارۋدان ءوتتى. 23 نىسانعا (148,6 شاقىرىم) كۇردەلى جوندەۋ جۇمىستارى جاسالسا, 259 نىسان (434,4 شاقىرىم) ورتاشا جوندەلگەن. ال بىلتىر شىمكەنت قالاسىنىڭ قاپال باتىر كوشەسىندەگى 1 تەمىرجول وتكەلى مەن وبلىس اۋماعىنداعى 17 كوپىر پايدالانۋعا تاپسىرىلعان ەكەن.