قازاقستاندا بانكتەر نەسيە بەرۋدى ازايتتى

قازاقستاندا نەسيەگە سۇرانىس ازايدى. وعان سەبەپ وتكەن جىلدىڭ سوڭىندا بانكتەردىڭ نەسيە شارتتارىن قاتاڭداتقانى. الداعى ۋاقىتتا نەسيە شارتتارى ءتىپتى كۇشەيۋى مۇمكىن. بۇل تۋرالى قر ۇلتتىق بانكىنىڭ كەزەكتى ساراپتامالىق ەسەبىندە ايتىلدى. "2017 جىلدىڭ ءبىرىنشى ماۋسىمىندا قاتاڭ نەسيە ساياساتى ساقتالادى. ىسكەرلىك بەلسەندىلىكتىڭ ماۋسىمدىق باسەڭدەۋى اياسىندا نەسيەگە دەگەن سۇرانىس تا تومەندەمەك. ناتيجەسىندە نەسيە بەرۋشىلەردىڭ جۇمىسى دا باسەڭدەيدى", دەلىنگەن زەرتتەۋدە. ساراپشىلاردىڭ پىكىرىنشە, 2016 جىلدىڭ ءتورتىنشى توقسانىندا ەكىنشى دەڭگەيلى بانكتەر (ەدب) تۇتىنۋ جانە يپوتەكالىق نەسيەنىڭ ماكسيمالدى كولەمىن ازايتىپ, پايىزدىق مولشەرلەمەسىن كوبەيتە وتىرىپ نەسيە ساياساتىن كۇشەيتتى. وعان قوسا حالىقتىڭ تولەم قابىلەتىنە دەگەن تالاپتارى دا كۇشەيتىلدى. بۇعان سەبەپ بولعان ۇلتتىق بانكتىڭ ەدب-گە قارسى ۇستانعان ساياساتى. نەسيە ساياساتىن قاتاڭداتۋدى توقتاتۋشى فاكتور رەتىندە جىلجىمايتىن م ۇلىك باعاسىنىڭ تومەندەۋى بولدى. سونىمەن قاتار كەپىلزات قويۋعا دا حالىق ق ۇلىقتى بولمادى. قارجى سالاسىنىڭ قىزمەتكەرلەرىنە جۇرگىزىلگەن ساۋالناماعا قاتىسۋشىلار الداعى ۋاقىتتا جىلجىمايتىن م ۇلىك پەن كوممەرتسيالىق نىسان نارىعىنىڭ السىرەيتىنىن بولجايدى. رەسپوندەنتتەردىڭ 34 پايىزى الداعى ۋاقىتتا پاتەر مەن ءۇي باعاسىنىڭ ازداپ ارزاندايتىنىن ايتادى. سونىمەن قاتار ەدب وكىلدەرىنىڭ 24 پايىزى ىسكەرلىك نىسانداردىڭ باعاسى كوپ زارداپ شەگەتىنىن العا تارتادى. ال بانكتەردىڭ وسىعان قاراماستان پايىزدىق مولشەرلەمەلەرىن ازايتادى دەپ كۇتۋگە بولمايدى. كوپشىلىك رەسپوندەنتتەر الداعى ۋاقىتتا بانك وسى مولشەرلەمەنى ساقتايتىنىن ايتادى. جالپى, بانكتەردىڭ 17 پايىزى الداعى ۋاقىتتا حالىقتىڭ ماتەريالدىق جاعدايىنىڭ تومەندەيتىنىن بولجاسا, 14 پايىز جاعدايدا نەسيەنى ۋاقىتى تولەي الماۋى مۇمكىن ەكەنىن ايتادى. جالپى, ىشكى جانە سىرتقى فاكتولرلاردى ەسكەرە وتىرىپ, الداعى ۋاقىتتا بانكتەردىڭ پايىزدىق ۇستەمەسىنىڭ ازايتىلۋى مۇمكىن ەمەستىگى ايتىلۋدا.