قحر ەكىنشى بالا ءۇشىن قارجىلاي ىنتالاندىرۋ ەنگىزۋى مۇمكىن

قىتاي بيلىگى ەكىنشى بالاسىن ومىرگە اكەلگەن وتباسىلاردى قولداۋ ءۇشىن قارجىلاي شارالار ەنگىزۋدى كوزدەۋدە, دەپ حابارلايدى قازاقپارات. "جەنمين جيباو" گازەتىنىڭ ەلەكتروندى نۇسقاسىندا جازىلعانداي, ەل ازاماتتارى ماتەريالدىق قيىندىقتار سالدارىنان ەكىنشى بالانى ومىرگە اكەلۋدەن باس تارتۋدا. «2015 جىلى ساۋالناما جۇرگىزىلگەن وتباسىلىق جۇپتاردىڭ 60%-ى ەكونوميكالىق سەبەپتەرگە بايلانىستى ەكىنشى بالانى تۋدان باس تارتاتىندىعىن حابارلاعان.  قحر دەنساۋلىق ساقتاۋ جانە بالا تۋدى شەكتەۋ مەملەكەتتىك كوميتەتى باسشىسىنىڭ ورىنباسارى ۆان پەياننىڭ ايتۋىنشا, ۇكىمەت ەلدەگى وتباسىلاردىڭ ەكىنشى بالانى ومىرگە اكەلۋلەرىنە ىنتالاندىرۋ ماقساتىندا قولداۋ كورسەتىپ, سونىڭ ىشىندە اقشالاي تولەمدەر مەن سۋبسيديالار ەنگىزۋدى كوزدەۋدە», - دەلىنگەن باسىلىمدا. 2016 جىلى قىتايدا «ءبىر وتباسى - ءبىر بالا» ساياساتى جويىلعاننان كەيىن 17,8 ملن بالا ومىرگە كەلگەن. بۇل كورسەتكىش 2015 جىلمەن سالىستىرعاندا 1,3 ملن بالاعا ارتقان. تۋ كورسەتكىشى سوڭعى 20 جىلدا ەڭ جوعارى وسىمگە يە بولعان.