كورەيالىق كومپانيا قاراعاندى وبلىسىنان پوليمەتالل بارلايدى

قاراعاندىدا «اتامەكەن» قر كۇپ ىسكەر ايەلدەر كەڭەسىنىڭ جانە وڭىرلىك كاسىپكەرلەر پالاتاسىنىڭ باستاماسىمەن بيزنەس-فورۋم ۇيىمداستىرىلدى. فورۋم بارىسىندا ايماق باسشىسى نۇرمۇحامبەت ابدىبەكوۆ قاراعاندى وبلىسى مەن كورەيا رەسپۋبليكاسىنىڭ اراسىنداعى بايلانىس تۋرالى ايتىپ بەردى, دەپ جازادى abctv.kz.  «1994 جىلى قاراعاندى قالاسى مەن سەۋل قالاسىنىڭ سونگ پا وكرۋگىمەن اراسىنداعى باۋىرلاستىق تۋرالى كەلىسىمگە قول قويىلدى. 2010 جىلى قاراعاندى وبلىسىنىڭ اكىمدىگى مەن ۋلسان مەتروپولياسى ساۋدا-ەكونوميكالىق, عىلىمي-تەحنيكالىق جانە مادەني ىنتىماقتاستىق جونىندەگى كەلىسىم جاساستى. 2015 جىلى قازان ايىندا كورەيا رەسپۋبليكاسىنىڭ توتەنشە جانە وكىلەتتى ەلشىسى چو يونگچون باستاعان دەلەگاتسيا قاراعاندى وبلىسىنا رەسمي ساپارممەن كەلدى», - دەدى وبلىس اكىمى. قاراعاندى وبلىسىندا وڭتۇستىك كورەيانىڭ  قاتىسۋىمەن 24 كاسىپورىن قۇرىلعان. ولار – تاۋ-كەن جانە وڭدەۋ ونەركاسىبى, كوتەرمە جانە بولشەك ساۋدا, كولىك جانە قويما, قۇرىلىس سالاسى, جاتىن مەن تاماقتانۋ قىزمەتتەرى, كاسىپقوي جانە عىلىمي-تەحنيكالىق قىزمەت, باسقا دا قىزمەتتەر. «قاراعاندى وبلىسىندا دۇيسەمباي ۋچاسكەسىندە «Korea Resources Corporation» جانە «قازگەولوگيا» اق اراسىنداعى پوليمەتاللدى بارلاۋ بويىنشا بىرلەسكەن جوبا جۇزەگە اسىرىلۋدا. 2015-2016 جىلدارى دالالىق, گەولوگيالىق بارلاۋ جۇمىستارى جۇرگىزىلدى. قازىرگى كەزدە كامەرالدى جانە زەرتحانا جۇمىستارى جالعاسۋدا», – دەپ حابارلادى ايماققا ساپارلاپ كەلگەن تەگۋ قالاسىنىڭ دەلەگاتسياسىمەن كەزدەسۋدە نۇرمۇحامبەت ابدىبەكوۆ. «سارىارقا» اەا اۋماعىندا كورەيا رەسپۋبليكاسىمەن قۇبىرلار مەن فاسوندىق بۇيىمدار شىعاراتىن بىرلەسكەن زاۋىت جۇمىس ىستەيدى, دەپ ەسكە سالىپ ءوتتى وبلىس باسشىسى. ايماق اكىمى قوناقتارعا تۋريزم سالاسىنداعى بايلانىستاردى دامىتۋدى ۇسىنىپ, وعان تەگۋ قالاسىنىڭ ۆيتسە-مەرى كيم يون چان ىنتىماقتاستىققا مۇددەلىك تانىتتى. فورۋم بارىسىندا ىسكەرلىك قارىم-قاتىناستى دامىتۋ تۋرالى ەكى كەلىسىمگە قول قويىلدى.  2016 جىلى قاراعاندى وبلىسىنىڭ كورەيا رەسپۋبليكاسىمەن سىرتقى ساۋدا اينالىمى 9,7 ملن اقش دوللارىن قۇرادى (جالپى كولەمنىڭ 0,3%). بۇل تەك يمپورتتىڭ كولەمى. وبلىس كورەيادان بۋلدوزەرلەر, ەكسكاۆاتورلار, تيەگىشتەر مەن جول تەگىستەيتىن كاتوكتار; ەلەكترودانەكەرلەۋ ماشينالارى مەن اپپاراتتارىن; جونۋ ستانوكتارىن; مۇناي جانە مۇناي ونىمدەرىن; مەتالل يلەمدەۋ ورناقتارىن جانە ارقاۋلار; تەمىردەن نەمەسە قوسپاسىز بولاتتان جاسالعان پروكات; ەتيلەن پوليمەرلەرىن; پروپيلەن پوليمەرلەرىن; شىنى-تالشىقتار; پليتالار, پلاستماسس تاباقتار; ازىق-ت ۇلىك يمپورتتاعان.