قر دەنساۋلىق ساقتاۋ ۆيتسە-ءمينيسترى تاعايىندالدى

ءلاززات اقتاەۆا قر دەنساۋلىق ساقتاۋ ۆيتسە-ءمينيسترى بولىپ تاعايىندالدى, دەپ حابارلادى اتالعان ۆەدومستۆونىڭ ءباسپاسوز قىزمەتى. بۇل تاعايىنداۋعا دەيىن ول قر دەنساۋلىق ساقتاۋ مينيسترلىگىنىڭ اكۋشەريا, گينەكولوگيا جانە پەريناتولوگيا عىلىمي ورتالىعى ديرەكتورىنىڭ ورىنباسارى, ديرەكتورى بولدى. ءلاززات اقتاەۆا 1965 جىلى تالدىقورعان قالاسىندا دۇنيەگە كەلگەن. الماتى مەملەكەتتىك مەديتسينا ينستيتۋتىن, قر پرەزيدەنتى جانىنداعى مەملەكەتتىك باسقارۋ اكادەمياسىن تامامداعان. ول ەڭبەك جولىن 1988 جىلى باستادى. ءار جىلدارى استانا قالاسى دەنساۋلىق ساقتاۋ باسقارماسىنىڭ باس اكۋشەر-گينەكولوگى, استانا قالاسى دەنساۋلىق ساقتاۋ باسقارماسى ديرەكتورىنىڭ ورىنباسارى, ۇلتتىق مەديتسينالىق حولدينگتىڭ باسقارما باسشىسىنىڭ كەڭەسشىسى, رەسپۋبليكالىق دياگنوستيكالىق ورتالىقتىڭ مەديتسينا ماسەلەلەرى بويىنشا ديرەكتورى, استانا قالاسىنداعى انا مەن بالا ۇلتتىق عىلىمي ورتالىعىنىڭ باسقارۋشى ديرەكتورى, باس ديرەكتوردىڭ ورىنباسارى, 2015-2016 جىلدارى قر دەنساۋلىق ساقتاۋ جانە الەۋمەتتىك دامۋ مينيسترلىگى مەديتسينالىق قىزمەتتەردى ستاندارتتاۋ دەپارتامەنتىنىڭ ديرەكتورى بولىپ قىزمەت ەتتى. ۇلتتىق مەديتسينا حولدينگى باسقارما توراعاسىنىڭ كەڭەسشىسى, رەسپۋبليكالىق دياگنوستكالىق ورتالىقتىڭ مەديتسينا ماسەلەلەرى بويىنشا ديرەكتورى, استاناداعى "انا مەن بالا ۇلتتىق عىلىمي ورتالىعىندا" باسقارما ديرەكتورى بولدى.