"ەلەكتروندى كۇندەلىك" جۇيەسىنە قاتىستى قوعام كوزقاراسى ءارتۇرلى - ساعىنتاەۆ

بۇگىن ۇكىمەت وتىرىسىندا پرەمەر-مينيستر باقىتجان ساعىنتاەۆ "ەلەكتروندى كۇندەلىك" جۇيەسىنىڭ قوعامدا قاتتى تالقىلانىپ جاتقانىن اتاپ ءوتتى. سونىمەن قاتار ول بۇل جوبانى جۇزەگە اسىرۋ ءۇشىن قوعام پىكىرىمەن ساناۋ كەرەكتىگىن ايتتى. "ەلەكتروندى كۇندەلىك" جۇيەسىنە قاتىستى قوعام كوزقاراسى ءارتۇرلى. نەگە ولاي؟ ەگەر ول بارلىعىنا پايدالى بولسا, قوعام نەگە قاتتى تالقىلاپ جاتىر!؟ ادامداردىڭ قارسى بولاتىن تۇستارى بار شىعار, مۇمكىن. ءبىز بۇنى بىلمەيمىز, دەگەنمەن اتا-انالاردا, مۇعالىمدەردە بىرقاتار كەلىسپەۋشىلىكتەر تۋىنداپ جاتقانعا ۇقسايدى. سوندىقتان وسىندا ايتىلعان ماسەلەلەردىڭ بارلىعى قوعام تالقىسىنا سالىنعانى ءجون. ءبىز بۇل جوباعا قارسى ەمەسپىز, ەگەر يگىلىككە جاراپ جاتسا, "تسيفرلىك قازاقستان" اياسىندا جەتىلدىرۋگە دايىنبىز", - دەدى پرەمەر-مينيستر. ءوز كەزەگىندە بعم ءمينيسترى ەرلان ساعاديەۆ قازىرگى تاڭدا "كۇندەلىك" جۇيەسىن پايدالاناتىن مۇعالىمدەر سانى 174 مىڭنان اسقانىن اتاپ ءوتتى. ونىڭ ايتۋىنشا, جۇيەنى 1,4 ملن. وقۋشى, 854 مىڭنان استام اتا-انا قولدانىپ وتىر.