ەلىمىزدە ەكى اگروورتالىق قۇرۋ جوسپارلانىپ وتىر

قر اۋىل شارۋاشىلىعى ۆيتسە-ءمينيسترى قايرات ايتۋعانوۆتىڭ ايتۋىنشا, اۋىل شارۋاشىلىعى سالاسىنداعى عىلىمي زەرتتەۋلەردى كۇشەيتۋ ماقساتىندا ەكى اگروورتالىق قۇرىلادى, دەپ حابارلايدى قازاقپارات. «اگروونەركاسىپ سالاسىنداعى قولدانبالى عىلىمي زەرتتەۋلەرگە ءونىم وندىرۋشەلەردىڭ قارجىسىن تارتۋ جوسپارلانعان. بۇدان بولەك, قازاق ۇلتتىق اگرارلىق ۋنيۆەرسيتەتى مەن ساكەن سەيفۋللين اتىنداعى قازاق اگروتەxنيكالىق ۋنيۆەرسيتەتى نەگىزىندە ەكى اگروورتالىقتى قۇرۋ جوسپارلانىپ وتىر. سونداي-اق, دايىن عىلىمي تەxنولوگيالاردىڭ ترانسفەرتى جۇرگىزىلەدى. ول ءۇشىن ارنايى ورتالىق تا قۇرىلعان», – دەدى ايتۋعانوۆ ۇكىمەتتىڭ بۇگىنگى وتىرىسىندا. ايتا كەتەيىك, وتىرىس بارىسىندا اۋىل شارۋاشىلىعى مينيسترلىگى الداعى جۇمىس جوسپارىن تانىستىردى. بۇل جوسپاردا جەر كوميسسياسىنىڭ جۇمىسى ناتيجەسىندە قولعا الىنعان شارالار دا بار. «اتاپ ايتقاندا, جەردىڭ جاڭا كاداسترلىق باعاسىن بەلگىلەۋ, ناقتى مالىمەتتەر بازاسىن جاساقتاۋ جانە گەوبوتانيكالىق كارتالاردى ازىرلەۋ جۇمىسى جۇرگىزىلەدى. قازىرگى زاڭ جوباسى ۇكىمەتتىڭ 16 اقپان كۇنگى قاۋلىسىمەن پارلامەنتتىڭ قاراۋىنا ەنگىزىلدى», – دەيدى ايتۋعانوۆ.