وڭتۇستىك تۇرعىندارىن سولتۇستىككە كوشىرۋ ءۇشىن بيىلعا 85 ملرد تەڭگە بولىنگەن

پاۆلودار وبلىسى, ماي اۋدانىنىڭ اكىمى ارداق قاڭتارباەۆ باستاعان جۇمىس توبى وڭتۇستىك وڭىردە بولىپ, اۋدانداردى ارالادى. ورداباسى اۋدانىنا بارعان توپ مۇشەلەرى بادام, شۇبارسۋ, تەمىرلان ەلدى مەكەندەرىندەگى تۇرعىندارمەن كەزدەستى, دەپ حابارلايدى قازاقپارات. كەزدەسۋ بارىسىندا شالعايدان كەلگەن باسشىلار ازاماتتاردى سولتۇستىك وڭىرلەرىنە قونىستاندىرۋ جوباسىنىڭ ماقساتىمەن تانىستىرىپ ءوتتى. ۇكىمەتپەن وڭتۇستىك وڭىرلەردەن سولتۇستىك وبلىستارعا كوشۋگە نيەتتى ادامداردى ىنتالاندىرۋدىڭ جاڭا باعىتتارى ەنگىزىلگەنىن ايتىپ ءوتتى. سونىمەن قاتار, قونىس اۋدارعانداردىڭ شىعىنى 35 اەك كولەمىندە وتەلەتىنى, ياعني وتباسىنىڭ ءاربىر مۇشەسىنە 79 مىڭ تەڭگە سوماسىندا بەرىلەتىنى ءسوز بولىپ, ءبىر جىل بويى كوشىپ بارعان وتباسىنىڭ باسپانانى جالداۋعا جۇمسايتىن شىعىندارى سۋبسيديالاناتىنى جەتكىزىلدى. ماي اۋدانىنىڭ باسشىسى ەلباسىنىڭ كورەگەندىك ساياساتىن ناقتى جۇزەگە اسىرۋ تۇرعىسىندا ءتۇرلى سالالاردا, اتاپ ايتقاندا, اۋىل شارۋاشىلىعى, جانە ءوندىرىس سالاسىندا الەۋەتى زور, دەگەنمەن جۇمىس كۇشى تاپشى تەرىسكەيدە مۇمكىندىكتەردىڭ مول ەكەنىن اڭگىمەلەدى. اۋدان اكىمى سولتۇستىك ولكەنى الەۋمەتتىك-ەكونوميكالىق تۇرعىدان دامىتۋ ءۇشىن وڭتۇستىك, سونىڭ ىشىندە ورداباسى اۋدانى جۇرتشىلىعىنىڭ قول ۇشىن سوزۋىنان ۇمىتتەنىپ كەلگەنىن جاسىرمادى. جيىن بارىسىندا ماسەلەنىڭ ءمان-جايىنا بايلانىستى سۇراقتار قويىپ, كوپ نارسەگە قانىققان بىرقاتار تۇرعىنداردىڭ قونىس اۋدارۋعا دەگەن ىنتا-ىقىلاستارى اڭعارىلدى. بۇگىنگە دەيىن ورداباسى اۋدانىنان سولتۇستىك قازاقستان وبلىسىنا 6 وتباسى قونىس اۋدارىپ, تاعى 6 وتباسىدان ءوتىنىش ءتۇستى. ەندىگى كەزەكتە, ماي اۋدانىنا قونىس اۋدارۋدىڭ تيىمدىلىگى مەن ارتىقشىلىقتارى تۇرعىندار اراسىندا كەڭىنەن ناسيحاتتالماق. ايتا كەتۋ كەرەك, وڭتۇستىك حالقىن سولتۇستىككە قونىستاندىرۋ باعدارلاماسى ۇشىن بيىل 85 ملرد تەڭگە بولىنگەن.