«ForteBank» اق باسقارما توراعاسىنىڭ ورىنباسارلارى تاعايىندالدى

«ForteBank» اق ديرەكتورلار كەڭەسىنىڭ شەشىمىمەن باسقارما مۇشەلەرى گاۋحار بيسەمبيەۆا جانە ءادىل باتىربەكوۆ باسقارما توراعاسىنىڭ جاڭا ورىنباسارلارى قىزمەتىنە تاعايىندالدى. بۇل تۋرالى بانكتىڭ ءباسپاسوز قىزمەتى حابارلادى. گاۋحار بيسەمبيەۆا بانكتىڭ بولشەك بيزنەسىنە جەتەكشىلىك ەتەدى. ءادىل باتىربەكوۆ كورپوراتيۆتىك بلوكتى, شاعىن جانە ورتا بيزنەستى باسقاراتىن بولادى. قازاقستاننىڭ قارجى جۇيەسىندە گاۋحار بيسەمبيەۆانىڭ 20 جىلدىق ەڭبەك ءوتىلى بار. بۇل جىلدارى ول الدىڭعى قاتارلى بانكتەردە قاتارداعى ماماننان باسقارما توراعاسىنىڭ ورىنباسارىنا دەيىن كوتەرىلگەن. قازاق مەملەكەتتىك باسقارۋ اكادەمياسىنىڭ حالىقارالىق ەكونوميكالىق قاتىناستار فاكۋلتەتىن بىتىرگەن, سونىمەن بىرگە قازاقستان مەنەدجمەنت, ەكونوميكا جانە بولجاۋ ينستيتۋتىندا ىسكەرلىك اكىمشىلىك ماگيسترى دارەجەسىن العان. ءادىل باتىربەكوۆ سوڭعى 20 جىل بويى بانك سالاسىندا جۇمىس ىستەپ كەلەدى. قازاق مەملەكەتتىك باسقارۋ اكادەمياسىنىڭ حالىقارالىق ەكونوميكالىق قاتىناستار فاكۋلتەتىن بىتىرگەن, نوتتينگەم ۋنيۆەرسيتەتىنىڭ (بىرىككەن كورولدىك) بيزنەس مەكتەبىندە ىسكەرلىك اكىمشىلىك بويىنشا ماگيستر دارەجەسىن العان. «ForteBank» اق - قازاقستاننىڭ ءىرى بانكتەرىنىڭ ءبىرى, 2015 جىلى «اليانس بانك» اق, «تەمiربانك» اق جانە «ForteBank» اق بىرىگۋىنەن پايدا بولعان.