SpaceX عارىش كومپانياسى ايعا ادام ۇشىرۋ تۋرالى جوسپارلارىمەن ءبولىستى, دەپ جازادى ۆۆس. اتالعان كومپانيانىڭ نەگىزىن قالاۋشىسى ءارى باسشىسى يلون ماسك عارىشقا كاسىبي استروناۆتار ەمەس, قاراپايىم ەكى ادام ۇشاتىنىن ايتتى. ونىڭ ايتۋىنشا, قازىر ول ەكەۋى مەديتسينالىق تەكسەرۋدەن وتۋدە.
قازىرگى تاڭدا عارىش كەمەسى سىناقتان وتكىزىلىپ جاتىر. ول الدىمەن پيلوتسىز ۇشىرىلادى. سودان كەيىن ەكى اداممەن 2018 جىلدىڭ ەكىنشى جارتىسىندا ايعا جىبەرىلمەك. ءبىر ايتا كەتەرلىگى, عارىش كەمەسى ايعا قونبايدى, تەك ونى اينالىپ ۇشىپ وتەدى. كومپانيا باسشىسىنىڭ ايتۋىنشا, بۇل جوباعا ناسا سەرىكتەستىك قولداۋ كورسەتكەن. ء"بىز ءوز تاراپىمىزدان قاۋىپتى مەيلىنشە ازايتۋعا تىرىساتىن بولامىز. بۇل باعدارلاما ادامزاتقا سوڭعى 45 جىلدا العاش رەت الىس كوسموسقا ۇشۋعا مۇمكىندىك بەرەدى", دەيدى كومپانيا باسشىسى يلون ماسك. ەستەرىڭىزگە سالا كەتسەك, ايعا ادام سوڭعى رەت 1970 جىلى ۇشقان. ودان كەيىن ناسا "اپوللون" باعدارلاماسىن باعاسى قىمبات بولعاندىقتان جاۋىپ تاستاعان ەدى.
