قاردان تازارتۋ اكتسياسى باستالدى

بيىل قار قالىڭ ءتۇستى. ال ونى ارشىپ الۋ قيىنعا سوعىپ تۇر. اسىرەسە, جاسى ەگدە تارتقان ادام ءۇشىن بۇل دا ءبىر جۇمىس. وسىعان وراي, اقمولا وبلىسىندا «جاستار – وتانعا» جوباسى اياسىندا قاردان تازارتۋ وتريادتارى قۇرىلىپ, تۇرعىندارعا اۋلالارىن تازارتۋعا قولۇشىن بەرۋدە. اسىرەسە, «جاس وتان» جق-نىڭ اقكول اۋماقتىق بولىمشەسى بەلسەندىلىك تانىتىپ, «كومەك قولىڭدى بەر» اكتسياسىنىڭ باس­تالۋىنا مۇرىندىق بولىپ وتىر. مىسالى, «جاس وتان» جا­س­تار قاناتىنىڭ ءبولىم­­شەسىنەن اۋدا­ن ورتا­لىعىنىڭ تۇرعىندارى با­قىت­­جان اۋسا­لىقوۆا, ەۆ­دوكيا تروفي­موۆا جانە ليۋبوۆ ەليسەەۆا كەلىپ, كومەك سۇراعان. وسىعان وراي, «جاس وتاننىڭ» بەلسەندىلەرى بولىپ تابىلاتىن №4 اقكول ورتا مەكتەبىنىڭ وقۋشىلارى قارت ادامدارعا اۋلالارىن قار­دان ارشىپ بەرۋگە قولۇشىن بەرۋگە كىرىستى. ەرىكتىلەر ۇلى وتان سو­عىسى ارداگەر­لەرىنىڭ اۋلالارىن, بالاباق­شالاردى, جول­دار مەن شاتىر­لاردى دا قاردان تازارتتى. ولار ءۇشىن بۇل قىزىقتى كورىنگەنمەن, قارت ادامدار ءۇشىن بۇل ۇلكەن كومەك. وسىلايشا, جاس­تار ءۇل­كەندەردىڭ ريزا­شى­لىعىنا بولەنىپ, وزدەرىنىڭ قول­قانات بولۋ­عا جاراپ قالعان­دارىن سەزى­نۋدە. اسقار تۇراپباي ۇلى, «ەگەمەن قازاقستان» اقمولا وبلىسى