ۋنيۆەرسيادا نىساندارى ەلگە قىزمەت ەتەدى

قىسقى سپورتتى سۇيگەن قاۋىمدى قۋانىشقا بولەگەن XXVIII دۇنيەجۇزىلىك قىسقى ۋنيۆەرسيادانىڭ سپورتتىق كەشەندەرى ەندى كىمگە قىزمەت ەتپەك؟ حان سارايىنداي «Halyk Arena» مەن «اlmaty Arena» سپورت نىساندارى مامانداردىڭ ايتۋىن­شا, كەلەشەكتە قالا تۇرعىندارىنىڭ سپورتتىڭ قالاعان تۇرلەرىمەن اينالىسۋىنا قىزمەت ەتۋگە ساقاداي-ساي ەكەن. مىسالى, «اlmaty Arena» سارايى 12 مىڭ ادامعا دەپ ەسەپ­تەلىنگەن بولسا, «Halyk Arena» عيماراتىندا 3 مىڭ ادام ەمىن-ەركىن وتىرا الادى. ال, اتلەتتەر اۋىلى 5 مىڭ ادام­عا ەسىگىن ايقارا اشقان بولاتىن. «ۋنيۆەرسيادا مۇراسى» اتتى جاڭا جوبانىڭ اياسىندا اتلەتتەر اۋىلىنداعى 140 مىڭنان اسا تۇرمىستىق زاتتار مەن ارنايى تەح­نيكالىق قوندىرعىلار ال­ماتى شاھارىنداعى 500-گە تارتا الەۋمەتتىك مەكەمەلەرگە تاراتىلدى. بۇل دا قالا ومىرىندەگى يگىلىگى زور ساۋاپتى ءىستىڭ ءبىرى بول­عانى ءسوزسىز. مەديتسينالىق قون­دىرعىلار مەن كەڭسە تەحنيكالارى قالالىق اۋرۋحانالارعا, مەكتەپتەرگە, ەمحانالارعا, بالاباق­شا­لارعا, سپورت مەكتەپتەرىنە, جاتاق­حانالارعا جانە ارداگەرلەر ۇيلەرىنە جەتكىزىلىپ بەرىلدى. مىنە, كوپتىڭ كوڭىلىندە جۇرگەن بۇل ماسەلە دە ءوز شەشىمىن ورنىمەن تاپتى. سونىمەن قاتار, اتلەتتەر اۋىلىنداعى پاتەرلەر «ۋنيۆەر-سيادا مۇراسى» جوباسى اياسىندا شاھارداعى جىلدار بويى ءۇي الۋعا كەزەكتە تۇرعان مۇقتاج جاندارعا رەتىمەن ءبولىنىپ بە­رىلەتىن بولادى. وسىنداي حا­لىق ءۇشىن جاسالىنعان يگى جاق­سىلىقتار مەملەكەتتەگى سىندارلى ساياساتتىڭ ارقاسىندا ىسكە اسىپ وتىر. ال, ەندى ۋنيۆەرسياداعا ارنالىپ سالىنعان سپورت سارايلارى جايلى تارقاتا ايتا كەتەيىك. ءزاۋلىم سپورت كەشەندەرىنىڭ ءىشى جارىس وتكەننەن كەيىن قاڭىراپ باس قالماسى بەسەنەدەن بەلگىلى. ال, سول عيماراتتاردىڭ ءىشىن سپورت­­قۇمار حالىققا تولتىرۋ ءۇشىن جاتتىعۋ باعاسىن اسپانداتپاي, قالتا كوتەرەتىندەي ەتىپ قوي­سا عانا بۇقارا حالىقتىڭ سپورت­قا دەگەن ىنتاسى ارتا تۇسەرى حاق. ۋنيۆەرسيادا-2017 ديرەكتسياسى باسشىسىنىڭ ورىنباسارى ديدار ساعاديەۆتىڭ ءما­لىم­دەۋىنشە, اتالعان سپورت كە­شەندەرىنىڭ بارلىعى دەرلىك قاراپايىم حالىقتىڭ يگىلىگىنە جۇمىس ىستەيتىن بولادى. دي­دار ساعاديەۆ قىسقى سپورت تۇرلەرىنىڭ ۇيىرمەلەرىنە بالالارىن بەرگىسى كەلگەن اتا-انالارعا سپورت كە­شەندەرىنىڭ ەسىگى قاشاندا اشىق ەكەنىن, جاتتىعام دەۋشىلەرگە قويى­لاتىن باعا دا قولجەتىمدى بولاتىنىن اتاپ ءوتتى. ۋنيۆەرسيادا اياقتالعاننان كەيىن قالا تۇرعىندارىنىڭ قىسقى سپورت تۇرلەرىنە دەگەن قىزى­عۋشىلىعىنىڭ ارتا ءتۇس­كەنى بايقالادى. مىسالى, مانەرلەپ سىرعاناۋدان دەنيس تەن, ايزا يمامبەك, فريستايلدان جانبوتا الدابەرگەنوۆا, يۋليا گالىشەۆا, دميتري رەيحەرد, شورت-ترەكتەن ابزال اجىعاليەۆ باستاعان قارا­كوز ءجۇي­رىكتەرىمىز, بياتلوننان گ­الينا ۆيشنەۆسكايا, الينا راي­­­كوۆا سىندى التىن جۇلدەلى ساڭ­لاق­تارىمىزدىڭ جارقىن جە­ڭىستەرى بۇل سپورت تۇرلەرىنە دەگەن سۇيىسپەنشىلىكتىڭ ارتۋىنا سەرپىن بەرەدى دەپ ويلايمىز. يبن سينا «دەنە شى­نىق­تىرۋ جاتتىعۋلارىمەن اي­نا­لىسساڭ, دارىگە پىسقىرىپ تا قارامايسىڭ», دەگەن ەكەن. دەن­ساۋلىعىن قادا­عالاپ, سپورت­­پەن اينالىسىپ ءجۇر­گەن ادامعا اۋرۋ دا جولامايدى. ادامنىڭ باقىتتى بولۋىنىڭ وننان تو­عىزى وسى دەنساۋلىققا بايلانىستى ەكەنى تاعى راس. ولاي بولسا, دەنىمىز ساۋ, ءتانى­مىز سەرگەك بولسىن دەسەك, وسى ءبىر ەل يگىلىگى ءۇشىن سالىنعان عا­لامات سپورت سارايلارىنىڭ جا­نىنان اينالىپ وتپەي, ىشىنە باس سۇعىپ, ءبىر ۋاق دەنساۋلىققا كو­ڭىل بولگەنىمىز ءلازىم بولار ەدى. اقىن ورداباي ۇلى, جۋرناليست الماتى