سۋپەركۋبوك سىنى. «استانا» مەن «قايراتتىڭ» قايسىسى مىقتى؟

فۋتبولدان قازاقستان چەمپيوناتىنىڭ 2017 جىلعى سۋپەركۋبوگى بيىل الماتى قالاسىندا وتەدى. مۇنداي شەشىم وتكەن جىلدىڭ سوڭىندا قازاقستان كاسىپقوي فۋتبول ليگاسىنىڭ وتىرىسىندا قابىلدانعان بولاتىن. قازاقستان سۋپەركۋبوگىنىڭ تاريحى 1995 جىلدان باستالادى. ەلىمىزدىڭ العاشقى سۋپەركومانداسى بولىپ سەمەيدىڭ «ەلىمايى» اتاندى. ءبىر قىزىعى, الماتىداعى ويىندا «ەلىماي» مەن «ۆوستوك» كەزدەستى. ەكەۋى دە شىعىس ءوڭىرىنىڭ كوماندالارى ەدى. بىراق ول كەزدە سەمەي مەن شىعىس قازاقستان جەكە-جەكە وبلىس بولاتىن. وسىدان كەيىن سۋپەركۋبوك ويىنىن جان­كۇيەرلەر تەك 2008 جىلى عانا تاماشالاي الدى. بىرنەشە جىل ءۇزىلىس بولدى. بۇل جولى سول كەزدەگى ەلىمىزدىڭ قوس مىقتىسى «اقتوبە» مەن «توبىل» جولىقتى. العاشقىسى 2:0 ەسەبىمەن جەڭىسكە جەتتى. تەك, 2009 جىلى ۇيىمداس­تىرىلمادى دەمەسەڭىز, سۋپەر­كۋبوك سىنى 2010 جىلدان بەرى تۇراقتى وتكىزىلىپ كەلەدى. جەتى جىل قاتارىنان قازاقستان سۋپەركۋبوگىن وتكىزۋ قۇقىعىنا اس­تا­نا قالاسى يە بولدى. بيىل ەندى اراعا 9 جىل سالىپ, قاي­تادان الماتىعا ورالىپ وتىر. كەزدەسەتىن كوماندالار ءدال قا­زىرگى كەزدەگى ەلىمىزدىڭ قوس مىق­­تىسى – «استانا» مەن «قايرات». بۇل ەكى كوماندا وسىمەن ءۇشىنشى جىل قاتارىنان ەل سۋپەركۋبوگىن ساراپقا سالادى. بۇعان دەيىن ءبىر-ءبىرىن كەزەك-كەزەك ۇتقان ەدى. 2015 جى­لى «استانا» چەمپيونى اتان­عاندا كۋبوكتى ەلباسىنىڭ ءوزى تابىستاعان-دى. بىلتىر «استانا» سۋپەر­كۋبوكتا ەسە جىبەرگەنىمەن, ەل چەمپيوناتى مەن قازاقستان كۋبوگى سەكىلدى ماڭىزدى جارىستا «قايراتتىڭ» الدىن وراپ كەتتى. ال بيىل كانىگى قارسىلاستاردىڭ جەكپە-جەگى قالاي اياقتالاتىنىن 4 ناۋرىز كۇنى بىلەتىن بولامىز. ەكى كوماندا ساپىندا جا­ڭادان كەلگەن ويىنشىلار بار. «استاناعا» بيىل يۆان ماەۆسكي, ازدرەن لۋلاكۋ, رومان مۇرتازاەۆ سەكىلدى فۋتبولشىلار كەلدى. ال مالىي, كانياس, دەسپوتوۆيچ, اسحات تاعىبەرگەن, نۇرعاليەۆ كوماندادان كەتتى. «قايراتقا» قىسقى ترانس­فەرلىك ءۇزىلىس كەزىندە ەلدوس احمەتوۆ, گەورگي جۋ­كوۆ, يۆو يليچەۆيچ قوسىلدى. كوماندادان كەتكەندەردىڭ قاتارىندا تاۆام­با, تيموششۋك, داراباەۆ, سيدەل­نيكوۆ بار. قازاقستان سۋپەركۋ­بوگى­نىڭ جەڭىم­پازدارى: 1995 جىلى: «ەلىماي» 2008 جىلى: «اقتوبە» 2010 جىلى: «اقتوبە» 2011 جىلى: «لوكوموتيۆ» 2012 جىلى: «ورداباسى» 2013 جىلى: «شاحتەر» 2014 جىلى: «اقتوبە» 2015 جىلى: «استانا» 2016 جىلى: «قايرات». دياس ەركەبۇلان, جۋرناليست استانا