باس پروكۋراتۋرانىڭ جانىنداعى قۇقىق قورعاۋ ورگاندارى اكادەمياسىندا پروكۋراتۋرانىڭ جاس قىزمەتكەرلەرىنە ارنالعان كەزەكتى كاسىبي دايارلاۋ كۋرستارىنىڭ اياقتالۋىنا ارنالعان سالتاناتتى ءىس-شارا ءوتتى.
كۋرس تىڭداۋشىلارى رەتىندە باس پروكۋراتۋرانىڭ «پروكۋراتۋراعا ۇزدىك كادرلار!» جوباسى اياسىندا كادرلاردى ىرىكتەۋدىڭ جاڭا جۇيەسى ارقىلى قابىلدانعان 62 جاس قىزمەتكەر قاتىستى.
ءىس-شارانى اشا وتىرىپ, ينستيتۋت ديرەكتورى نۇرلان دانيەۆ اياقتالىپ وتىرعان كۋرستاردىڭ ءبىرەگەيلىگى مەن ماڭىزدىلىعىن اتاپ ءوتتى, سونداي-اق ءتۇلەكتەردى وقۋدى ءساتتى اياقتاۋلارىمەن قۇتتىقتادى.
وقۋ پروتسەسى قاداعالاۋ قىزمەتىنىڭ باسىم باعىتتارىنا نەگىزدەلگەن. مەنەدجمەنت, شەشەندىك شەبەرلىك, الەۋمەتتىك-پسيحولوگيالىق اسەر ەتۋ جانە پسيحولوگيالىق سامبو تاسىلدەرى بويىنشا بىرنەشە ساعاتتىق ترەنينگتەر وتكىزىلدى.
ءار قاتىسۋشى زاڭنامانى ءبىلۋ بويىنشا تەستىلەۋدەن ءوتتى, فيزيكالىق جانە اتىس دايىندىعى بويىنشا سىناق تاپسىردى, پروكۋروردىڭ كۇندەلىكتى جۇمىسى ۇلگىسىندەگى كەيستىك تاپسىرمالاردى شەشتى.
سونداي-اق, تىڭداۋشىلار ستراتەگيالىق جوسپارلاۋ, قىزمەتتەگى كوشباسشىلىق پەن جەكە ءتيىمدىلىك ادىستەرىن مەڭگەردى. جالپى, وقىتۋ كەزەڭى بويىنشا تىڭداۋشىلار 166 اكادەميالىق ساعات كولەمىندەگى وقۋ ماتەريالدارىن مەڭگەردى.
سالتاناتتى جيىن سوڭىندا جاس پروكۋرورلارعا كۋرستاردى اياقتاعاندارى تۋرالى سەرتيفيكاتتار تابىستالدى.
الەكساندر تاسبولاتوۆ,
«ەگەمەن قازاقستان»
سوڭعى جاڭالىقتار
قىسقى وليمپيادا-2026: جارىس كەستەسى جاريالاندى
سپورت • كەشە
الماتىدا جاسىرىلعان ەسىرتكى زەرتحاناسى اشكەرەلەندى
ەسىرتكى • كەشە
مىقتى تەڭگە ەكونوميكانى نەگە قولدامايدى؟
ەكونوميكا • كەشە
اتىراۋ وبلىسىندا بۇزاقىلىق دەرەگىمەن 121 ادامعا سوت ۇكىمى شىقتى
ايماقتار • كەشە
«اۋىل» پارتياسى: قىزىلوردادا جاڭا كونستيتۋتسيا جوباسى تالقىلاندى
ايماقتار • كەشە
