ءبورلى اۋدانىنداعى ەكى اۋىلدى قونىستاندىرۋ جونىندەگى جوبا جوسپار بويىنشا ءجۇرىپ جاتىر

وسىنداي اۋقىمدى قونىس­تان­دى­رۋ­عا قاراشىعاناق كەن ورنىنداعى ەكو­نوميكالىق جانە تەحنيكالىق با­عالاۋ جونىندەگى جۇمىستاردىڭ اياق­تا­لۋى مەن ونى قورعاۋ اۋما­عى­نىڭ بول­جامدى ۇلعايۋى سەبەپ بولىپ وتىر. سوندىقتان, ەل ۇكى­مە­تى وسى اۋ­ماق اياسىنا تۇسكەن بە­رە­زوۆكا جانە بەس­­تاۋ اۋىلدارىن قو­نىس­تاندىرۋ با­ع­­دارلاماسىن قا­بىل­دادى. باع­دار­لاما ايماقتاعى جەر­گىلىكتى بيلىك با­س­­شىلىعىمەن ءىس­كە اسىرىلۋدا, ال تاپسىرىس بە­رۋشى ءرولىن جانە بار­لىق شى­عىن­دار­دى «قاراشىعاناق پەت­رو­ليۋم وپە­رەيتينگ ب.ۆ.» كومپا­ني­يا­سى ءوز موي­نىنا الدى. جوعارى سا­­پا تالاپ­تارىن مۇلتىكسىز ساقتاۋ ەرە­­­جە­لەرىن ۇنەمى ۇستاناتىن كون­سو­ر­­­­­- تسيۋم كوشىرۋمەن بايلانىستى بار­­­لىق جۇمىستى قر زاڭناماسى مەن حا­لىقارالىق ستاندارتتارعا قا­تاڭ ءساي­كەستىكتە جۇرگىزۋدى ال­دىنا ماقسات ەتىپ قويدى. ياع­ني, جاڭا جەردە ءار وتباسىعا بۇ­رىن­عى­سىمەن بىردەي تەڭ, ءتىپ­تى ودان دا قو­لايلى جاعدايلار ۇسى­نىلادى. قۇ­رامىنا ءبورلى اۋدا­نى اكىمدىگى مەن ءماسليحاتىنىڭ, قپو جانە قو­عامدىق ۇيىمداردىڭ وكىل­دەرى كىر­گەن ارنايى كوميسسيا, ەڭ الدى­مەن, بەرەزوۆكالىقتار مەن بەس­تاۋ­­لىقتاردىڭ پىكىرى مەن ءمۇد­د­ە­سىن ەس­­كەرەتىن بولادى. ولاردىڭ ءبى­­رى اۋ­­دان­نىڭ اكىمدىگى جانە كا­سىپ ور­تا­­لىعى اقساي قالاسىنان تۇر­مىس­قا قو­لايلى ءپا­تەردى قالاسا, ەن­دى ءبىرى اۋىل­دىڭ تۇر­­مىس سالتىن ءوز­گەر­ت­پەۋ­گە شەشىم قا­­بىلداعان. قونىستاندىرۋ ۇدەرىسى ەكى كەزەڭگە ءبو­لىنگەن. ءبىرىنشى كەزەڭدە اقسايداعى ەكى كوپ پاتەرلى ۇيگە الەۋمەتتىك از قام­تىلعان ازاماتتار قاتارىنا جا­تا­تىن 82 وتباسى كوشىپ كىردى. ۇسى­نىل­عان پاتەرلەردىڭ كولەمى بۇ­رىن­عى باسپاناسىنان كەم ەمەس. وت­با­سىنىڭ ءار مۇشەسىنە 15 شارشى مەتر­دەن دەگەن ەسەپپەن بەرىلدى. الايدا, ەگەر يەلىكتەگى ءۇيى ۇلكەن بولسا, جا­ڭا­دان قونىستانۋشىلار ودان دا كەڭ باسپاناعا يە بولادى. بولەك ءپا­تەر الۋ­عا تىلەك بىلدىرۋشىلەردى دە, ءما­سە­لەن, نەكەدەگى ەر جەتكەن بالالارى بار اتا-انالاردىڭ تالاپتارىن ەسكەردىك. جاڭادان قونىستانۋشىلاردىڭ الع­اشقى كوپ پاتەرلى ەكى ءۇيدىڭ ساپاسىنا كوڭىلدەرى تولادى. پاتەرلەر گازبەن جىلىتۋ قۇرالدارى جانە پليتالارمەن, ءاسۇي جيھازىمەن جابدىقتالعان. بالكوندارى شىنىلانعان, اۋلاسى ابات­تاندىرىلعان. ءۇيدىڭ ماڭىندا مەك­تەپ پەن بالالار باقشاسى ورنا­لاس­قان. ەكىنشى كەزەڭدەگى قونىستاندىرۋ جۇمىستارىنىڭ باسىم بولىگى دە اياق­تالدى. اقساي قالاسىندا تاعى دا ەكى كوپ پاتەرلى ءۇي جانە «ارال­تال» شاعىن اۋ­­دان­ىندا اباتتان­دى­رۋ دەڭگەيى بوي­ى­­ن­- شا قالا ءپا­تەر­لەرىنەن كەم ءتۇس­پەي­تىن 100 كوت­تەدج تۇرعىزىلدى. ولار­عا كوم­مۋ­ني­­كاتسيالاردىڭ بارلىق ءتۇ­رى – گاز, ەلە­ك­تر جانە سۋ جۇرگىزىلگەن. كوك­تەم­دە جولدار مەن اياقجولدار ءتو­سەۋ جوس­پار­لا­نىپ وتىر. – ءبىز, ەڭ الدىمەن, ءار وتباسى ءۇشىن قونىستانۋ ومىردەگى ماڭىزدى وقيعانىڭ ءبىرى ەكەنىن ەسكەردىك, – دەپ تۇسىندىرەدى ءبورلى اۋدانىنىڭ اكىمى الديار حالەلوۆ. – سوندىقتان دا ءبىز تۇرعىنداردان كەلىپ تۇسكەن ءما­سە­لەلەر, تىلەكتەرى مەن ۇسى­نىس­تار­ىن ەسكەرۋگە تىرىستىق. باسىندا ولار وتە كوپ بولدى. الاي­دا, مە­نىڭ ەسەپتى كەزدەسۋىمدە بەل­گىلى بول­عان­داي, تۋىنداعان ءما­سە­لە­لەر­دىڭ كوپ­شىلىگى ءوز شەشىمىن تاپتى. جو­با­نىڭ ىسكە اسىرىلۋىن وبلىس باس­­شى­لى­عى ۇنەمى نازارىندا ۇستاپ وتىر. ءبىز, ءوزىمىز دە ءبىرىنشى كەزەكتەگى تا­­لا­بى­مىز دەپ ەسەپتەيتىن جۇمىس ساپا­سىن قونىستانۋشىلاردىڭ وزدەرى د­ە باقىلاۋدا ۇستاپ ءجۇر. سو­لار­دىڭ ارا­­سىنان قۇرىلعان باستاما­شىل توپ, مەن ايرىقشا ماڭىزى بار دەپ اتاعان نى­ساندار – قۇرىلىس الاڭ­دارىندا ءدۇر­كىن-دۇركىن بولىپ تۇ­رادى. ەكىنشى كەزەڭ اياسىندا 373 ءۇي يەلەرىنىڭ تۇرعىندارى كوشىرىلەدى. ولار­دىڭ 349-ى بەرەزوۆكادا جانە 24-ءى بەستاۋدا. قونىستاندىرۋ ءجو­نىندەگى جوبا باسقارۋشىسى ترەۆور ماندەيدىڭ ايتۋىنشا, حالىقارالىق كون­سۋلتانتتاردىڭ قاتىسۋىمەن اشىق ەسىك كۇندەرى وتكەن. ول كەز­دە­سۋلەردە قونىستانۋ جاعدايلارى, قو­نىستانۋشىلارعا العاشقى كومەك پەن قولداۋ ەرەجەلەرى ەگجەي-تەگجەي ءتۇ­سىندىرىلدى. وسى ماسەلە بويىن­شا تو­­لىق اقپاراتتى قامتيتىن بىرنەشە بروشيۋرا شىعارىلدى. بۇدان بولەك, قۇ­رىلعان كوميسسيا تۋىنداعان ماسە­لە­لەر بويىنشا قابىلداپ, ولار­عا تو­لىق جاۋاپ بەرۋ جۇمىسىن جال­عاس­­تى­رۋدا. جاڭا ۇيلەردىڭ قۇرىلىسىنا قا­زاق­ستاندىق كومپانيالار تار­تىل­عان. ارال­تالداعى 100 ءۇي – ءبۇتىن ءبىر شاعىن اۋ­دان. وندا 50 ءۇش بولمەلى جانە سون­شالىقتى ءتورت بولمەلى كوتتەدج تۇر­عى­زىلدى. – ءۇي ىرگەسىندەگى جەر تەلىمىنە ش­ا­رۋاشىلىق قۇرىلىستارىن تۇرعىزۋ ءۇشىن وتەماقى بەرۋ قاراستىرىلعان, – دەپ جالعاستىردى ءسوزىن الديار حا­لەلوۆ. – ونىڭ ۇستىنە, قازىرگى كەزدە قولدانىلىپ وتىرعان باعامەن. شە­شىمىن تابۋعا جان-جاقتى قولداۋ كورسەتىلەتىن باستى ماسەلەلەردىڭ ءبىرى – جۇمىسپەن قامتۋ. كوپشىلىگىنىڭ كەن ورىندارىندا تۇراقتى جۇمىسى بار. شاعىن جانە ورتا بيزنەسپەن اينالىساتىن كاسىپكەرلەرگە قونىستانعاننان كەيىن ءوز ءىسىن جالعاستىرۋعا ارنالعان جەر تەلىمدەرى بەرىلىپ جاتىر. جاڭا جاع­دايدا شارۋا قوجالىعىنداعى جۇ­مىسىن جاڭعىرتۋعا بايلانىستى ءما­سەلە دە ويلاستىرىلدى. بۇل جەردە جا­ڭا­دان قونىستانۋشىلاردىڭ تا­لاپ-ءتى­لەكتەرىن ەسكەرۋ قاجەت. وسىن­­داي تاپ­­سىرمالار كاسىپكەرلىك ءجا­­نە جەر قا­­تىناستارى بولىمدەرىنە بە­رىل­دى. «قاراشىعاناق 1» شاعىن اۋ­دا­نىندا 300 ورىندىق مەكتەپ جانە ارال­تالدا 320 ورىندىق بالاباقشا قۇ­رىلىسى اياقتالىپ كەلەدى. بۇل, سو­نىمەن بىرگە, قوسىمشا جۇمىس ورىندارى. «ورالقۇرىلىسينۆەست» كومپانياسى ديرەكتورىنىڭ ورىنباسارى فەدور پاۆكين ايتىپ وتكەندەي, بالاباقشا تۇرعىزۋداعى بارلىق قۇرىلىس جۇمىستارىمەن بىرگە, جيھاز بەن قۇرال-جابدىق جەتكىزىپ بەرۋ اياقتالدى. قۇرىلىس دەپارتامەنتى مەن ءبىلىم ءبولىمىنىڭ تالاپتارى دا ەسك­ەرىلىپ وتىر. نىسان باسىندا ۇنە­مى تەحنيكالىق قاداعالاۋ وكىلى ءجۇر­دى. مەردىگەرلەردىڭ وزدەرى دە جۇ­مىس ساپاسىنىڭ جوعارى بولۋىنا, قۇ­رىلىس مەرزىمى مەن قا­ۋ­ىپ­سىزدىك تەح­­نيكاسى نورمالارىن ءمۇل­تىك­سىز ساق­تاۋ­عا مۇددەلى بولدى. بالا­باق­شادا ءبۇل­دىرشىندەردىڭ ساباق وقۋى ءجا­نە دەم الۋى ءۇشىن بارلىق جاعداي قارا­س­- ­تىرىلعان. – مۇنداي ىستە مايدا-شۇيدە بولمايدى, – دەيدى الديار حالەلوۆ. – جاڭادان قونىستانۋشىلاردىڭ ارالتالداعى ءار اۋلانى تەحنيكالىق سۋ­مەن قامتاماسىز ەتۋ تۋرالى ءتى­لەگى ورىندالدى. بۇل ءۇشىن ۇڭ­عى­ما­­لار قازىلدى. قونىستانۋ بەل­گى­­لەنگەن مەرزىمدە وتكىزىلەدى دەپ وي­لايمىن, اللا قالاسا, قىركۇيەك ايىن­دا جاڭا جەرگە قونىستانادى. با­­لاباقشا ءىس جۇزىندە ءازىر. مەك­تەپ­­تەگى سوڭعى جۇمىستاردى ءبىرىنشى تا­مىز­عا دەيىن اياقتاۋدى جوسپارلاپ وتىر­مىز. بەرەزوۆكا مەن بەستاۋ بالا­لا­رى­نىڭ دەمالۋى مەن ەمدەلۋىنە قول­داۋ كور­سە­تەمىز. ءبىز الدىمىزعا ءار­قاي­سىسىنىڭ جا­ع­­دايىنا كىرۋدى ماقسات ەتىپ قويدىق, ونى ورىنداپ شىعامىز دەپ سەنەمىن. سونىمەن بىرگە, ابدەن ويلاستىرىلعان جوسپارعا دا ءومىر ءوز تولىقتىرۋىن ەنگىزەدى. سوندىقتان, جاڭادان قو­نىس­­تانۋشىلارعا قولداۋ كورسەتۋ ءجو­نىن­دەگى كوميسسيا قونىستانۋشىلار كو­شى­رىلگەننەن كەيىن دە ارەكەت ەتەتىن بو­لادى. قازبەك قۇتتىمۇرات ۇلى, «ەگەمەن قازاقستان» باتىس قازاقستان وبلىسى