بەلسەندى ەڭبەك بەلەسكە شىعارادى

كوكشەتاۋدا «قازاقستان تەمىر جولى» ۇك» اق باسشىسى قانات الپىسباەۆ اقمولا جول بولىمشەسى ەڭبەككەرلەرىمەن كەزدەسىپ, «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى پرەزيدەنت جولداۋىنىڭ نەگىزگى باعىتتارىن ءتۇسىندىردى. كەزدەسۋدە ماڭىزدى قۇجات­تىڭ ۇلتتىق كومپانياعا قا­تىس­تى مەملەكەت باسشىسى بەل­­گى­لەپ بەرگەن, كولىكتىك-لوگي­س­تي­كا­لىق كەشەنىنە قاتىس­تى بەس تاپ­سىرماسىن تال­داپ, ورىن­دالۋ جولدارى اڭگ­ىمە­لەندى. تاسى­مالداۋدى ۇيىم­داس­تىرۋ جانە جوسپارلاۋ جۇ­مىس­تارىنا يننو­ۆاتسيالىق جاڭا­لىقتاردى ەنگىزۋ, سالا­داعى تەحنيكالىق جانە تەحنو­لوگيالىق جاراقتاندىرۋ جايى ايتىلدى. بۇگىنگى تاڭدا اك­تسيو­نەرلىك قوعام 2025 جىل­دارعا دەيىنگى تەحنيكالىق سايا­سات تۇجىرىمداماسىن جا­ساۋ­دا. وندا ءىت-ستراتە­گيا, اۆت­و­مات­تان­دىرۋ, تەحنولوگيا­لىق ۇدەرىس­تەردى تسيفرلىق جانە رو­بوت­تىق جابدىقتاۋ كورسەتىلەدى. تەمىر جول كولىگى ماشي­نا­­سى ونىمدەرىن ەكسپورتقا شىعارۋ بەلسەندى اتقارىلىپ كەلەدى. ەلىمىزدىڭ كەن جانە مۇناي-گاز كەشەنى كاسىپورىندارى­نىڭ تۇراقتىلىعىن ساقتاۋ ءۇشىن بۇل سالانى جۇك ۆاگون­دارى­مەن قامتاماسىز ەتۋدىڭ مەحا­نيزمدەرى جەتىلدىرىلۋدە. بيىلعى جىلى بۇل ماقساتقا 7-8 مىڭ ۆاگون تارتىلۋى كەرەك بولسا, 2025 جىلدارعا قاراي 25 مىڭ جۇك ۆاگونى قاجەت بولادى. ق.الپىسباەۆ جولداۋدا جۇك­تەلگەن مىندەتتەرگە وراي, قازاق­­ستان­دىق باعىتتاردى سترا­تە­گيا­لىق اليانستارعا: رەسەي, بەلا­رۋس­پەن بىرلەسكەن كولىك­تىك-لو­گيستيكالىق كوم­پا­نيا­سى, كاۆ­كاز, تۇركيا, شىعىس ەۋروپا ەلدەرى­مەن تران­سكاس­پي حالىق­ارا­لىق كولىك باعى­تىن دامى­تۋ ءجونىن­دەگى ءۇي­لەس­تىرۋ كومي­تەتى­مەن بىرلە­سىپ يگەرۋ­گە ماڭىز بەرۋ كەرەكتىگى­نە توق­تالدى. «الدىمىزدا تۇرعان ءمىن­دەت­­تەردى جۇزەگە اسىرا العان جاع­­داي­دا ءوسىم بەس ەسەگە ارتىپ, تران­­زيتتىك تاسىمالدان تۇسەتىن كىرىس كولەمى 2020 جىلدارى 4 ملرد اقش دوللارىنا جەتەدى», – دەي­دى ق.الپىسباەۆ. كەزدەسۋدە جولداۋدا اتاپ كور­سەتىلگەن باسىمدىقتار: ەڭبەك­پەن قامتۋ, كوپشىلىكتى كاسىپ­كەرلىككە بەيىمدەۋ, جەكە­شە­لەندىرۋدىڭ مەملەكەتتىك باعدار­لاماسىن جۇزەگە اسىرا وتى­رىپ, ۇلتتىق كومپانيا­لار­دى IPO قور نارىعىنا شى­عارۋ, بيزنەستى ترانسفورماتسيا­لاۋ باع­دارلاماسى, كولىك­تىك-لوگيس­تيكا­لىق ينفراقۇرى­لىم­دى دامىتۋ مەن قۇرىلىسقا جەكە ينۆەس­تيتسيا تارتۋ تۋرالى جان-جاقتى اڭگىمە قوزعالدى. كومپانيا جەتەكشىسى ءسوزىنىڭ سوڭىندا مەملەكەت باسشىسى العا قويعان تاپسىرمالاردى ورىنداپ, ستراتەگيالىق ماق­سات­تا­رعا جەتۋ ءۇشىن كومپانياداعى ءار­بىر ەڭبەككەر بەلسەندى جۇمىس ءىس­ت­ەۋى ءتيىس ەكەندىگىن ەرەكشە اتاپ ءوتتى. اسقار تۇراپباي ۇلى, «ەگەمەن قازاقستان» كوكشەتاۋ