قىسقى سەسسياعا قاتىستى

پارلامەنت سەناتى حالىقارالىق قاتىناستار, قورعانىس جانە قاۋىپسىز­دىك كوميتەتىنىڭ حاتشىسى يكرام ادىربەكوۆ باستاعان قازاق­ستان پارلامەنتىنىڭ دەلەگاتسياسى ەقىۇ پارلامەنتتىك اسسام­بلەياسىنىڭ ۆەنادا وتكەن قىسقى سەسسياسىنا قاتىستى. دەلە­­گاتسيا قۇرامىندا سەناتورلار نۇرتاي ابىقاەۆ, مۇحتار ال­تى­ن­باەۆ, ميحايل بورتنيك, ءلاززات قيىنوۆ, دۋلات قۇسداۋ­لەتوۆ جانە پارلامەنت ءماجىلىسىنىڭ دەپۋتاتى قۇرالاي قاراكەن بار. دەلەگاتسيا ساياسي ماسەلەلەر جانە قاۋىپسىزدىك, ەكونوميكالىق ىستەر, عىلىم, تەحنولوگيا­لار جانە قورشاعان ورتا, دەمو­كراتيا, ادام قۇقىقتارى جانە گۋما­ني­تارلىق ماسەلەلەر جونىندەگى جال­پى كوميتەتتەردىڭ وتىرىستارى اياسىنداعى پىكىرسايىستارعا بەلسەندى قاتىستى. حالىقارالىق تەرروريزم جانە رادي­كالدانۋمەن كۇرەس, ادام قۇقىق­تارى­نىڭ ساقتالۋى, كليماتتىڭ وزگەرۋى كۇن ءتار­تىبىندەگى نەگىزگى ماسەلەلەر بولدى. ودان باسقا, مينسك كەلى­سىم­دەرىنە سايكەس, ۋكراينا ءتوڭى­رەگىندەگى جاعدايدى رەتتەۋ­­دىڭ كەلەشەگى, سونداي-اق ەقىۇ كە­ڭىس­تى­گىندەگى باسقا دا تەكەتى­رەس­تەر تالقىلاندى. ەكونوميكالىق ىستەر, عىلىم, تەحنولوگيالار جانە قور­شاعان ورتا جونىندەگى جالپى كو­ميتەتتىڭ وتىرىسىندا ەقىۇ ەكو­نوميكا-ەكولوگيالىق كومي­تەتى­نىڭ توراعاسى, قازاقستان رەسپۋبليكاسىنىڭ ۆەناداعى حالىقارالىق ۇيىمدار جانىن­داعى تۇراقتى وكىلى قايرات سارىباي ەقىۇ-نىڭ ەكىنشى ءول­شەمى جونىندەگى جۇمىستاردىڭ نەگىزگى باعىتتارىن پارلامەنت­شىلەر نازارىنا ۇسىندى. سەناتور م.بورتنيك پەن ءماجىلىس دەپۋتاتى ق.قاراكەن ءاس­كەري-ساياسي جانە قاۋىپسىزدىكتىڭ گۋما­نيتارلىق ماسەلەلەرى ءجونىن­دەگى پىكىرسايىستا قاۋىپسىزدىكتى نىعاي­تۋداعى ەقىۇ-نىڭ ەكونو­مي­­كالىق-ەكولوگيالىق ولشەم­دەرىنىڭ ماڭىزدى ءرولىن اتاپ ءوتتى. ق.قاراكەن سونداي-اق, «ەلدەر ءوزارا تۇراقتى بايلانىستارعا قول جەتكىزۋگە ۇمتىلۋى ءتيىس. ەكونو­ميكالىق بايلانىس­تاردى دامىتۋ ەقىۇ مەن ونىڭ اياسىنان تىس جەرلەردە جالپىعا بىردەي قاۋىپسىزدىكتى ىلگەرىلەتۋ تۇرعىسىندا سەنىم مەن ىنتىماق­تاستىقتى نىعايتۋعا وڭ ىقپال ەتەدى», دەدى. م.بورتنيك ءوزى تاراپىنان «قازاق­ستان ەۋرازيالىق ەكو­نو­ميكالىق وداققا بەل­سەن­دى قا­تىسۋشى رەتىندە ينتەگرا­تسيا­لىق ءبىر­­لەستىكتەرمەن جانە جەكە­لە­­گەن مەملەكەتتەرمەن ءوز­ارا ءتيىم­­­دى ىنتى­ماقتاستىق قا­­لىپ­تاس­­­تى­­رۋ­­عا ءمۇد­دەلى. بۇل تۇر­عىدا ەۋرو­­­ودا­قپەن ساۋدا-ەكو­نو­­­­مي­­­­­كا­­­لىق ىنتى­ماقتاستىقتى قا­­لىپ­­­ت­اس­­­تىرۋدىڭ ماڭىزى زور بو­­لىپ وتىر», دەپ اتاپ ءوتتى. ول, سون­­­­داي-اق, قازاقستان «جاسىل ەكو­­­­ن­و­­­­ميكانى دامىتۋ» ءما­­س­ە­­لە­­­­­لەرى­نە باسا نازار اۋدارىپ, «جا­سىل كوپىر» ارىپتەستىك باع­­­دار­­­­لا­­ما­سىنىڭ ازىرلەنۋىنە جانە اس­­­تا­ن­ادا «بولاشاقتىڭ ەنەر­­گيا­­­­سى» تا­قى­رى­بى بويىنشا ەكسپو-2017 حا­لىق­ارالىق كور­­مە­­سىن وتكىزۋ تۋ­رالى شەشىم قا­بىل­­­­دانۋى­­نا قول جەتكىزگەنىن ايتتى. شارا اياسىندا پارلامەنت­تىك دەلە­گاتسيا­­نىڭ باسشىسى ي.ادىر­بەكوۆ ەقىۇ پا ءتور­اعاسى, اۆستريا پارلامەنتىنىڭ دەپۋتاتى كريستين مۋتتونەنمەن جانە ەقىۇ پا باس حاتشىسى روبەرتو مونتەل­لومەن ەكى­جاقتى كەزدەسۋ وتكىزدى. تاراپ­تار سيرياداعى شيەلەنىس ءجونىن­دەگى استانادا وتكەن كەلىس­سوز­دەردىڭ ناتيجەلەرىن, ورتا­لىق ازيا ايماعى اياسىنداعى ىنتى­­ماق­­تاستىقتىڭ كەلەشەگىن, ۋكراين داع­­دارىسىن رەتتەۋ ماسەلەلەرىن تالقى­لادى. ك.مۋتتونەن, اتاپ ايتقاندا, تەكە­تىرەس­تەردى بەيبىت رەتتەۋدى ىلگەرىلەتۋ اياسىندا قازاق­­­ستاننىڭ ءتيىمدى بىتىمگەر رەتىن­دەگى ماڭىزدى ءرولىن اتاپ ءوتتى. بيىلعى قاڭتاردا پرەزيدەنت ن.نازارباەۆ جاريا ەتكەن كونس­تيتۋ­تسيالىق رەفورماعا ەرەك­­شە نازار اۋدارىلدى. ي.ادىربەكوۆ پارلامەنتتىڭ ءرولىن كۇشەيتۋ, پرەزيدەنت پەن پارلامەنت الدىن­دا ۇكىمەتتىڭ ەسەپ­تىلىگىن ۇل­عايتۋ تۋرا­لى باستامالار تۋرا­لى حاباردار ەتتى. ال­داعى ۋاقىت­تا مەم­لەكەت باسشىسىنىڭ بيلىك­تىڭ وكىلدى جانە اتقارۋشى تار­ماق­تارىنا 40-قا جۋىق مىندەتتەردى بەرەتىنى كۇتىلىپ وتىر. دەلەگاتسيانىڭ ۇلتتىق كەڭەس­تىڭ ەكىنشى پرەزيدەنتى كارل-حاينتس كوپفپەن كەز­دەسۋىندە قازاق­ستان مەن اۆستريانىڭ پار­لا­مەنتارالىق بايلانىس­تارىن دامىتۋ كەلەشەگى تال­قىلاندى. ول قازاقستان باس­­شى­سىنىڭ باستامالارىن «ما­ڭىز­دى قادام ءارى جاقسى بەلگى» دەپ سيپاتتاي وتىرىپ, دەموكراتيانى دامىتۋ – بىرتە-بىرتە قادام باساتىن ءارى تۇراقتىلىققا زيان كەلتىرمەيتىن ءۇردىس بولۋى كەرەك ەكەنىن اتاپ ءوتتى. قازاقستان مەن اۆستريا اراسىنداعى ەكىجاقتى ىنتىماقتاستىقتى ودان ءارى نى­عايتۋ ماسەلەلەرى تالقىلانىپ, ەنەر­گەتيكا سالاسىنداعى, اسىرەسە جاڭار­تىلاتىن ەنەرگيا كوزدەرىن دامى­تۋداعى تاجىريبەسى كوپ اۆست­ريا­لىق فيرمالار ءۇشىن استانا­دا وتەتىن ەكسپو-2017 حالىق­­ارالىق كورمەسى زور مۇمكىندىك ەكەنى اتاپ ءوتىلدى. وسىعان بايلانىستى ۆەنا مەن استانا اراسىنداعى اۆيا­رەيس­تەردى قالپىنا كەلتىرۋ ماسە­لەسى اسا ماڭىزدى بولىپ وتىر. قازاقستان دەلەگاتسياسىنىڭ باسشىسى اۆستريا پارلامەنتى­نىڭ باسشىسىن كورمەگە كەلۋگە شاقىردى. تاراپتار حالىقارالىق سالا­داعى, اتاپ ايتقاندا, ميگراتسيا ۇدەرىس­تەرىنە بايلانىستى كەي­بىر ماڭىزدى ماسەلەلەردى تال­قى­لاپ, ولاردى شەشۋ ءجونىن­دەگى وي­لارىن ورتاعا سالدى, دەپ حابارلادى سەناتتىڭ ءباسپاسوز قىزمەتى.