ۇندەۋدەن تۋىندايتىن مىندەتتەر سارالاندى

پارلامەنت ماجىلىسىندەگى قازاقستان حالقى اسسامبلەياسى دەپۋتاتتىق توبىنىڭ كەزەكتى وتىرىسى بولىپ ءوتتى, وندا ەلباسى نۇرسۇلتان نازارباەۆتىڭ بيلىك تارماقتارى اراسىنداعى وكىلەتتىكتەردى ءبولۋ ماسەلەلەرى بويىنشا ۇندەۋىنەن تۋىندايتىن مىندەتتەر تالقىلاندى. ونىڭ جۇمىسىنا ۆيتسە-سپيكەر ۆلاديمير بوجكو قاتىستى. ءماجىلىس دەپۋتاتى, قازاقستان حالقى اسسام­ب­لەياسى دەپۋتاتتىق توبىنىڭ جەتەكشىسى ساۋىتبەك ابدراحمانوۆ «كونستيتۋتسيالىق رەفورما – قازاق­­ستاننىڭ دەموكراتيالىق دامۋىن­­داعى بەت­بۇرىستى كەزەڭ», دەگەن تاقى­رىپ­تى تاراتىپ بايان­داما جاسادى. ول ءوز سوزىندە قولعا الىنىپ جا­تقان مەم­لەكەتتىك بيلىك رەفورماسى قازاقستان قوعا­مىن دەموكراتيا­لان­دىرۋ ستراتەگياسىن تياناقتى جۇزەگە اسىرۋدىڭ كورىنىسى ەكەندىگىن ايتتى. «پارلامەنت ءماجىلىسىنىڭ توراعاسى نۇرلان نىعماتۋلين اتاپ وتكەندەي, ەلباسى حالىققا ۇندەۋىندە بولاشاق وزگەرىستەردى بولجاي بىلەتىن بولەكشە قاسيەتىن عانا ەمەس, دامۋدىڭ ەڭ وڭتايلى جول­دارىن تابا الاتىندىعىن دا كورسەتىپ وتىر. مەملەكەت باسشىسىنىڭ ۇندەۋىنەن تۋىن­داي­تىن مىندەتتەردى ورىنداۋدا قازاقستان حالقى اس­سامب­لەياسىنا ەرەكشە جاۋاپكەرشىلىك جۇكتەلەدى, ءويت­كەنى, كونستيتۋتسيالىق رەفورمانى قوعامدىق كەلى­سىم مەن حالىقتىڭ توپتاسۋى جاعدايىندا عانا وي­داعى­داي جۇزەگە اسىرۋعا بولادى», دەدى دەپۋتات. وتىرىستا پارلامەنت ءماجىلىسىنىڭ دەپۋتات­تارى سنە­جاننا يماشەۆا, ەكاتەرينا نيكيتينس­كايا, ماگەررام ماگەرراموۆ, ۆلاديمير بوج­كو, اح­­مەت مۋرادوۆ ءسوز سويلەپ, پرەزيدەنت نۇرسۇلتان نازارباەۆتىڭ ۇندەۋىن وسى زامان­عى الەم­­دىك ساياساتتا بولىپ كورمەگەن قۇبى­لىس دەپ باعا­­لا­­دى, وزدەرىنىڭ تاياۋدا ەل وڭىرلەرى­نە شىققان ساپار­­لارى­­نىڭ اسەرلەرىمەن ءبولىسىپ, مەملەكەت باس­شى­سى باستاما جاساعان كونستيتۋتسيا­لىق رە­فور­­ماعا جۇرتش­ىلىق تولىق قولداۋ كورسەتكەنىن ايتىپ بەردى. وتىرىستى پارلامەنت ءماجىلىسى توراعاسى­نىڭ ورىنباسارى ۆلاديمير بوجكو قورىتىن­دىلادى. ءماجىلىس دەپۋتاتى, قحا دەپۋتاتتىق توبى جەتەكشىسىنىڭ ورىنباسارى يۋري تيمو­ششەن­كونىڭ التىنشى شاقىرىلىمنىڭ ەكىنشى سەسسيا­سىنىڭ ءبىرىنشى جارتىجىلدىعىندا اتقا­رى­لعان جۇمىس تۋرالى حابارلاماسى تىڭدالدى, دەپ حابارلادى ءماجىلىستىڭ ءباسپاسوز قىزمەتى.