ءىس-شارالار جوسپارى بەكىتىلدى

قاسىم-جومارت توقاەۆتىڭ توراعالىق ەتۋىمەن بولعان سەنات بيۋروسىنىڭ وتىرىسىندا جوعارعى پالاتانىڭ 2 ناۋرىزدا بولاتىن وتىرىسىنىڭ كۇن ءتارتىبى تالقىلاندى, دەپ حابارلادى سەناتتىڭ ءباسپاسوز قىزمەتى. سەناتورلار قازاقستان مەن پولشا اراسىنداعى ادامداردىڭ رەادميسسياسى تۋرالى ۇكىمەتارا­لىق كەلىسىمدى; قازاقستان مەن تۇركيا ۇكىمەتتەرى اراسىنداعى ار­نايى ماقساتتاعى بولىمشەلەردىڭ وقۋ-جاتتىعۋلارىن وتكىزۋ كەزىن­دە قابىلداۋشى تاراپتىڭ قول­داۋ كورسەتۋى تۋرالى ءوزارا ءتۇسىنىس­تىك تۋرالى مەموراندۋمدى راتي­فيكا­تسيالاۋ تۋرالى; «قازاقستان رەس­پۋبليكاسىنىڭ كەيبىر كونستي­تۋتسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» كونستيتۋتسيالىق زاڭ جوباسى مەن زاڭنامالىق اكتىلەرگە قازاقستان رەسپۋبليكاسىنىڭ جوعارى سوت كەڭە­سىنىڭ جانە «استانا» حالىقارا­لىق قارجى ورتالىعىنىڭ قىزمەتى ماسەلەلەرى بويىنشا تۇزەتۋلەر ەنگىزەتىن زاڭ جوبالارىن قارايدى. بيۋرودا ماجىلىستەن تۇسكەن زاڭ جوبالارى دا ءبولىندى. سونداي-اق, بيۋرو مۇشەلەرى قازاقستان پرە­زي­دەنتىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» حالىققا جولداۋىن ىسكە اسىرۋ جونىندەگى پارلا­مەنت سەناتىنىڭ ءىس-شارالار جوسپارىن بەكىتتى. وندا جولداۋدى زاڭنامالىق تۇرعىدا قامتاماسىز ەتۋ, قۇجاتتىڭ نەگىزگى ەرەجەلەرىن ءتۇسىندىرۋ مەن ناسيحاتتاۋ, سونداي-اق, جولداۋدى ءىس جۇزىندە زەردەلەۋ ماسەلەلەرى قاراستىرىلعان. جوسپاردا بىرقاتار پارلامەنتتىك تىڭداۋلار, كوميتەتتەردىڭ كوشپەلى وتىرىستارى, مەملەكەتتىك ورگاندار باسشىلارىمەن كەزدەسۋلەر بار. سەناتتا سالىق ساياساتى, ءدىني قىزمەتتەر تۋرالى زاڭداردى ىسكە اسىرۋ بارىسى, ەكسپورتتىق ساياسات كەلەشەگى, ينۆەستيتسيالار تارتۋ, ەكونوميكالىق قىلمىسپەن كۇرەس ماسەلەلەرىنە ارنالعان دوڭگەلەك ۇستەلدەر جوسپارلانعان.