سالەمىڭ قالاي, باۋىرىم؟

م.اۋەزوۆ اتىنداعى شىم­كەنت پەداگوگيكالىق ينس­­تي­تۋ­تىندا سپورت كلۋ­بى­­نىڭ ءتو­­راعاسى قىزمەتىن ات­قا­رىپ ءجۇر­­گەن كەزىم ەدى. ينس­تي­تۋت رەك­­تورى ءاشىم قۇ­رام­باي­­ ۇلى وما­روۆ­­تىڭ كا­بي­نە­­تى­ن­دە سپور­ت­قا بايلانىس­تى ءما­سە­لەلەردى تال­­قىلاپ وتىر­­عان­بىز. ەسىك اشى­­لىپ ءۇستى­مىز­گە پەداگوگتىك-ءما­دەنيەت ينس­تي­تۋتىنىڭ رەكتورى ءمۇتان ءجۇ­نىسباەۆ كىردى. ورنىمنان تۇ­رىپ قولىن الىپ سالەم بەر­مەك­شى بولعانىمدا: – سەن تۇرا تۇر. الدىمەن ءۇل­­كەن كىسىگە مەن سالەم بەرەيىن, – دەدى. سوزعان قولىمدى تۇسىرە قوي­دىم. وسى وقيعاعا وتىز جىل ۋا­قىت وتسە دە ەسىمنەن شىعار ەم­ەس. سالەم دە ساتىمەن دەيدى. ءسا­­­­تى سول سالەمدەۋدىڭ ءوز رەتى, كە­­­زەگى بولاتىنىنا ول كەزدە ءما­ن بەرمەپپىن. قازىر دە وعان كو­پ ادام نازار اۋدارمايدى. قالىپتاسقان ءداستۇر بو­ي­ىن­شا جاسى كىشى جاسى ءۇل­كەنگە, جال­عىز ادام كوپ­شىلىككە, كو­لىك­تەگى جاياۋعا, ءجۇر­گىنشى تۇر­عانعا, ەر ادام ايەل­گە, ءشا­كىرت ۇستازعا ءبىرىنشى بو­­لىپ ءسا­لەم­دەسۋى قاجەت. سالەمدى ءبىرىنشى بەرۋدەن ەش­كىم كىشىرەيىپ كەتپەيدى. ءدىن­دارلاردان ەستىگەنىم بار ەدى. «ءبىرىنشى سالەم بەرگەن ادام جۇماققا بارادى» دەپ. اتام – ەشتايدىڭ ناعاشىسى ىساق اتا جۇزگە جەتىپ ومىردەن وز­دى. بۇل كىسىدەن بۇرىن اماندا­سۋ مۇمكىن ەمەس ەدى. بالا-شا­عا, قىز-قىرقىن دەمەيتىن. كەز­دەسكەننىڭ بارىنە ءبىرىنشى بو­لىپ سالەم بەرەتىن. ءوز باسىم «وسى جولى ناعاشى اتا­م­نان بۇرىن امانداساي­ىن, ارا قاشىقتىق ءسال جا­قىن­داي ءتۇس­سىن», دەپ ويىم­دى اياق­تا­عان­­شا, ول كىسى ءسا­لەم بە­رىپ قويۋ­شى ەدى. ءتو­سەك تار­تىپ ەس-ءتۇسسىز جات­قان­شا وسى­لاي ەتتى. جۇ­ماققا بار­عان بولار, جا­رىق­تىق! ءبىرىنشى سالەم بەرۋشى: «اسسالاۋماعالەيكۋم» دەگەندە, سالەم الۋشى: «ۋاعالەيكۋماس­سا­لام» دەپ سالەمدى قابىل الا­دى. بۇلاي سالەمدەسۋدىڭ انىق-قانىعىنا جەتەيىن دەپ «قازاق سوۆەت ەنتسيكلوپەديا­سى­نا» كوز جۇگىرتتىم. وندا بى­لاي دەپ جازىلىپتى: ‹‹... امان­داسۋدىڭ ءبىر ءتۇرى. بۇل مۇ­سىلمان حالىقتارى اراسىندا كوپ تاراعان. اراب تىلىنەن ەن­گ­ەن. اسسالاۋماعالەيكۋم – نۇر جاۋسىن, ۋاعالەيكۋماسسا­لام – ساعان دا نۇر جاۋسىن, دە­گەن ماعىنا بەرەدى» دەپتى. ءسا­لەم بە­رۋدىڭ بۇل ءتۇرى ءبىزدىڭ سال­تى­مىز­عا يسلام دىنىمەن بىرگە ەن­گەن بولىپ تۇر. ساتىمەن بەرىلەتىن سالەمدى ار­­نايى بارىپ بەرەدى. ال كۇن­دە­لىكتى كەزدەسۋلەردەگى ءسا­لە­مى­مىزدى شىن نيەتپەن, ادال, اق كو­ڭىلمەن بەرەيىك. سالەمسىز بول­مايىق! سەرىحان ەشتاەۆ, قازاقستان رەسپۋبليكاسىنىڭ «قۇرمەتتى سپورت قايراتكەرى» شىمكەنت