فۋتبولدان قازاقستان ۇلتتىق قۇراماسىنا باس باپكەر بولىپ رەسەيلىك الەكساندر بوروديۋك تاعايىندالدى. بۇل تۋرالى قازاقستان فۋتبول فەدەراتسياسىنىڭ ءباسپاسوز قىزمەتى حابارلادى.
بوروديۋكپەن كەلىسىمشارت ءۇش جىلعا جاسالدى. وعان قۇرامانى جاسارتۋ, جەرگىلىكتى ويىنشىلاردىڭ تالانتىن اشۋ سىندى بىرقاتار مىندەتتەر قويىلدى.
54 جاستاعى مامان سوڭعى رەت 2016 جىلى «قايرات» فۋتبول كومانداسىن جاتتىقتىرعان. الماتىنىڭ كومانداسىمەن قازاقستان سۋپەركۋبوگىن جەڭىپ العانمەن, پرەمەر-ليگاداعى ءساتسىز ويىندارى ءۇشىن ءوز ەركىمەن قىزمەتىنەن كەتكەن. «قايراتقا» دەيىن «تورپەدو» كومانداسىنا جەتەكشىلىك ەتكەن. سونىمەن قاتار, رەسەي جاستار قۇراماسىنىڭ باپكەرى بولعان.
قازاقستان ۇلتتىق قۇراماسىنىندا ول تالعات ءبايسۋفينوۆتىڭ ورنىن الماستىردى. الداعى ۋاقىتتا ەكس-جاتتىقتىرۋشى فەدەراتسيانىڭ تەحنيكالىق ديرەكتورى قىزمەتىن اتقارادى.
