ديماش قۇدايبەرگەنگە ارنايى ستيپەنديا تاعايىندالدى

مەملەكەت باسشىسى نۇرسۇلتان نازارباەۆ ءانشى ديماش قۇدايبەرگەنگە ارنايى ستيپەنديا تاعايىندادى. بۇل تۋرالى بۇگىن مادەنيەت جانە سپورت  ءمينيسترى ارىستانبەك مۇحامەدي ۇلى قازاق ۇلتتىق ونەر ۋنيۆەرسيتەتىندە ديماشپەن بىرگە وتكەن كەزدەسۋ كەزىندە ايتتى. «بۇگىن ۇلتتىق ۋنيۆەرسيتەتتە ەرەكشە كۇن. ءبارىمىز بىرگە ديماشتى ونەر ورداسىندا قارسى الىپ وتىرمىز. بۇل ەلىمىزگە ۇلكەن ماقتانىش. ديماش جاستايىنان ءوزىن ونەرگە ارناپ, اقتوبەدەگى ونەر ۋچيليششەسىندە, ەندى استاناداعى ونەر اكادەمياسىندا ءدارىس الىپ ءجۇر», - دەدى مينيستر. سونىمەن قاتار ول جاس دارىننىڭ اتا-اناسىنا, ديماشتىڭ ۇستازدارىنا العىسىن ايتتى. «ديماش اياق استىنان تانىمال بولعان جوق, بۇرىننان كونكۋرستارعا قاتىسىپ كەلەدى. ديماشتىڭ بۇرىننان بەرى حالىقارالىق بايقاۋلارعا, مەملەكەتتىڭ ۇلكەن كونتسەرتتەرىنە قاتىسىپ جۇرگەنىن جاقسى بىلەسىزدەر. جاقىندا عانا ەلباسى ءوزىنىڭ ارنايى ستيپەندياسىمەن ديماشتى باسقا دا ونەر ادامدارىمەن بىرگە قۇرمەتتەدى. ءبىزدىڭ ەلباسىمىزدىڭ ديماشقا دەگەن قامقورلىعىن وسىدان بىلۋگە بولادى», - دەدى مينيستر.