چەمپيوندار ليگاسىن "قازاقستان" ۇلتتىق ارنا كورسەتۋى مۇمكىن

«وڭ-تۆ» ارناسى چەمپيوندار ليگاسى مەن ەۋروپا ليگاسىنىڭ قازاقستان ايماعىندا كورسەتۋ قۇقىعىن باسقا رەسپۋبليكالىق ارناعا بەرگەنىن راستادى. بۇل تۋرالى vesti.kz حابارلادى. «وڭ-تۆ» ارناسى باعدارلامالار مەن سپورتتىق تاراتىلىمدارعا بايلانىستى وزگەرىستەر ەنگىزىپ جاتىر. باعدارلامالارداعى وزگەرىستەر 1 ناۋرىزدان باستالادى. جاڭا كورسەتىلىم كونتسەپتسياسىنا بايلانىستى فۋتبول جانكۇيەرلەرىنە زيانى تيمەس ءۇشىن «وڭ-تۆ» ارناسى چەمپيوندار ليگاسى, ەۋروپا ليگاسى جانە ۋەفا سۋپەركۋبوگىنىڭ قازاقستان ايماعىندا كورسەتىلىم قۇقىعىن رەسپۋبليكالىق باسقا ءبىر ارناعا بەرىپ وتىر. قازىرگى تاڭدا كەلىسسوزدەر سوڭىنا تاياپ قالدى», – دەلىنگەن تەلەارنانىڭ تاراتقان رەسمي حاتىندا. بۇعان دەيىن ەل اۋماعىندا اتالمىش فۋتبول تۋرنيرلەرىن كورسەتۋ قۇقىعىن "وڭ-تۆ" ارناسى "قازاقستان" مەن KazSport ارنالارى كىرەتىن "قازاقستان» رترك" حولدينگىنە بەرەدى دەگەن مالىمەت شىققان ەدى. ايتا كەتەيىك, "وڭ-تۆ" ارناسى چەمپيندار ليگاسى مەن ەۋروپا ليگاسىن 2015 جىلدىڭ تامىزىنان بەرى كورسەتىپ كەلەدى.