قوستاناي وبلىسىندا بيەلەر ق ۇلىن تاستاپ جاتىر

قوستاناي وبلىسىنىڭ امانگەلدى اۋدانىنىڭ تۇرعىندارى دابىل قاعۋدا. ايتۋلارىنشا, شاراناسىن جارىپ شىققان ق ۇلىندار ءسال ساتتە ءولىپ جاتقان كورىنەدى. بۇل تۋرالى abctv.kz  جازىپ وتىر. اۋدان تۇرعىنى سۇندەت ەسەنتاەۆتىڭ ايتۋىنشا, ق ۇلىندار تۋعان بويدا ءولىپ جاتقان كورىنەدى. «قازىردىڭ وزىندە  23 باس ق ۇلىن ءولدى. تۋعان بويدا ءولىپ قالادى. سەبەبىن بىلمەي دالمىز. بىلتىر تورعايدا اقبوكەندەر قىرىلدى, بالكىم ق ۇلىنداردىڭ ولىمىنە ءبىر بايلانىسى بار شىعار. بۇل جاعداي جالپى اۋدان بويىنشا ورىن الىپ وتىر», – دەيدى ول. وعان دالەل رەتىندە ادامدار بەينەجازبانى دا كورسەتۋدە. ولار كومەك سۇراپ وتىر. قوستاناي وبلىسىنىڭ ۆەتەريناريا باسقارماسىنداعىلار جاعدايدان حاباردار ەكەندەرىن, بىراق جاپپاي قىرىلۋ ورىن الىپ وتىرماعانىن ايتادى. «بيەلەر ق ۇلىن تاستاپ جاتىر. ونىڭ سەبەبى ازىرشە بەلگىسىز. ادامدار بىزگە حابارلادى. ءبىز ول جاققا مامانداردى جونەلتتىك. ولار ەكى بيەنىڭ ق ۇلىن تاستاعانىن ايتتى. ماماندار ولگەن تولدەن سىناما الىپ, تالداۋ جاساۋعا جونەلتتى. ازىرشە ناتيجەسى بەلگىسىز. ەگەر جاپپاي قىرىلاتىن بولسا, وندا سول جاققا ماماندارىمىزدى جىبەرەمىز», – دەپ ءمالىم ەتتى  وبلىستىق ۆەتەريناريا باسقارماسى باسشىسىنىڭ ورىنباسارى مارات كۇزەنباەۆ. قاداعالاۋشى مەكەمەنىڭ ايتۋىنشا, ماسەلە باقىلاۋعا الىنعان.