تۇركيادا تۇركىستاندى تانىستىردى

جاقىندا تۇركيانىڭ ىستانبۇل جانە بۋرسا قالالارىندا «تۇركىستان – تۇركى الەمىنىڭ مادەني استاناسى» جوباسىن تانىستىرۋ شارالارى ءوتتى. 2016 جىلدىڭ 1-2 جەل­توق­سان كۇندەرى ازەر­باي­جان­نىڭ شەكي قالاسىندا ءوت­كەن تۇركىتىلدەس ەلدەردىڭ مادەنيەت مينيسترلەرىنىڭ تۇ­راقتى كەڭەسىنىڭ 34-ءشى ءما­جىلىسىندە قازاقستاننىڭ ءتۇر­كىس­تان قالاسى 2017 جىل­عى «تۇركى الەمىنىڭ ءما­دەني ا­س­تاناسى» بولىپ جا­ريا­لان­عان بولاتىن. وتكەن ايدا تۇركىستان قا­لا­سىن بۇكىل تۇركى جۇرتى­نىڭ ەڭ تانىمال مادەني ور­تا­لىقتارىنىڭ بىرىنە اي­نال­دىرۋ ماقساتىندا حا­لىق­ارالىق تۇركسوي ۇي­ى­­مى, قازاقستان رە­س­پۋب­لي­­­ك­­ا­سىنىڭ مادەنيەت جانە سپورت مينيسترلىگى, وڭتۇستىك قازاقستان وبلىسىنىڭ ءجا­نە تۇركىستان قالاسىنىڭ اكىم­­دىكتەرى كۇش بىرىكتىرىپ «ءتۇر­كىستان – تۇركى الەم­ى­­نىڭ مادەني استاناسى» جو­باسىنىڭ جىلدىق جوس­پا­رىن بەكىتكەن بولاتىن. اتاۋ­لى جىل اياسىندا تۇركى الە­م­ىنىڭ «ناۋرىزناما» ءىس-شاراسى, «ناۋرىز» حالىق­ارا­لىق اقىندار ايتىسى, حالىقارالىق «تەاتر كوك­تەمى» فەستيۆالى, «بۇراڭ بەل» بي فەستيۆالى, تۇركى الەمى قولونەر شەبەرلەرىنىڭ فەس­تيۆالى, حالىقارالىق مە­ديا فورۋم, « ۇلى دالا سا­زى» ءداستۇرلى ونەر ورىن­­داۋ­شى­لارىنىڭ حا­لىق­ارالىق فەس­تي­ۆالى سياقتى ونداعان ءىرى ءما­دەني جوبالاردى ىسكە اسىرۋ جوسپارلانعان. الداعى 21 ناۋ­رىز كۇنى «تۇركىستان – ءتۇ­ركى الەمى­نىڭ مادەني استاناس­ى» جوبا­سى­­نىڭ سالتاناتتى اشىلۋى مەن تۇركسوي ءباسپاسوز سىي­­لىعىن تاپسىرۋ ءراسىمى وتە­­دى. قاسيەتتى قالادا وتە­تىن العاشقى ءىرى شاراعا ءتۇر­­­كىتىلدەس ەلدەردەن 250-گە جۋىق ونەرپازدار, عالىمدار, جۋر­­­ناليستەر مەن رەسمي دە­لە­­­گاتسيا وكىلدەرى كەلەدى. تۇركىستاندا جىل بويى ءوت­­كى­زىلەتىن شارالار تۋرالى تۇرىك جۇرتشىلىعىنا اقپارات بەرۋ ماقساتىندا حالىقارالىق تۇركسوي ۇيى­مى, ىستانبۇل قالالىق ءما­دەنيەت باسقارماسى ءجا­نە بۋرسا قالالىق ءما­دەنيەت باسقارماسى بىرىگىپ ۇيىم­داستىرعان ءىس-شاراعا ىس­تانبۇل مادەنيەت باس­قار­ما­سىنىڭ باسشىسى نەۆزات كۇتۇك, بۋرسا قالاسىنىڭ اكىمى رەجەپ التەپە, تۇركسوي باس حاتشىسى ءدۇي­­سەن قاسەيىنوۆ, وسى ۇي­ىم­­­داعى ازەربايجان وكىلى ەل­­چين گافارلى, قازاقستان وكى­­لى اسقار تۇرعانباەۆ, قىر­­عىزستان وكىلى قوجاگەلدى كۋ­لۋەۆ جانە تۇركسوي قار­­­جى ءبولىمىنىڭ باسشىسى سان­جار مۇلازىموعلى قا­تىس­ت­ى. وڭتۇستىك قازاقستان وب­لىسىنىڭ تۋريستىك اي­ماق­­تارى مەن تۇركىستان ق­الاسىنىڭ كورنەكتى جەر­لە­­رىن ناسيحاتتايتىن قىس­قا ءفيلمدى كورسەتۋمەن باس­تال­­عان جيىندا ءسوز العان ءتۇر­كسوي باس حاتشىسى ءدۇي­سەن قاسەيىنوۆ تۇركى ءور­كە­­نيەتىندەگى تۇركىستان قا­لا­­سىنىڭ تاريحي ماڭىزىن ايتا كەلە, «مادەني استانا مارتەبەسىنە وراي, جىل بويى تۇركىستان, شىمكەنت قالا­لا­رىندا ونداعان ءىرى مادەني شا­رالار وتكىزىلەتىن بولادى. ەڭ باستىسى, بيىل بۇل ءوڭىر تۇركى الەمىنەن تۋريستەر مەن مادەنيەت قايراتكەرلەرىنىڭ ءجيى باس قوساتىن, زياراتقا كەلەتىن مادەني ورتالىعىنا اي­نالادى. باۋىرلاس تۇركى حالىقتارى ءبىر-ءبىرىنىڭ ءما­دە­ن­يەتىن جاقىننان تانيتىن بولادى», – دەدى. اسقار ءابدۋالي ۇلى