الاكولدىڭ تازالىعى قاشان رەتتەلەدى؟

وسىدان ءبىر جىل بۇرىن وبلىس اكىمى دانيال احمەتوۆ ءۇرجار اۋدانىنا ارنايى بارىپ, سول جۇمىس ساپارىندا الا­­كولدىڭ جاعالاۋىنداعى دە­مالىس ايماعىن دامىتۋ ءما­سەلەسى جونىندە القالى جيىن ءوت­كىزگەن ەدى. جينالىسقا دەما­لىس بازالارىنىڭ يەلەرى, كا­سىپ­كەرلەر, مەكەمە باسشىلارى قا­­تىستى. وبلىس اكىمى سوڭعى كەز­­دە جاعالاۋى دا, جاعدايى دا سىن كوتەرمەي كەتكەن الاكولدىڭ ەر­­تەڭىنە الاڭداۋشىلىق ءبىل­دى­رىپ, كول جاعاسىن رەتكە كەل­تى­رۋ كەرەك­تىگىن باس­تى مىندەت قىپ قويدى. ءتىپتى, وبلىس­تىق بيۋد­­­جەتتەن قوماق­تى قارا­جات ءبو­­لىنىپ, ول ەڭ الدىمەن, جاعا­لاۋ­­دى اباتتاندىرۋعا جۇمسا­لا­تىن­­دىعىنان دا حاباردار ەتتى. ءسوي­تىپ, جينالىستا بەلگىلى بول­عان­داي, ءبىر جىلدان سوڭ حالىق­ارا­لىق ماڭىزى بار نىسان الا­كول­دە, عا­جايىپ جاعاجاي, دەمالىس سايا­باعى, اربات ۇلگىسىندەگى كوشە, اۆ­توبەكەت پەن 200 كو­لىك­كە ار­نالعان تۇراق سالىناتىن بول­دى. دەگەنمەن, وبلىس اكى­مى دا­نيال كەنجەتاي ۇلى سول جول­عى جيىندا, الاكولدىڭ كەم­­­شىلىكتەرىن تايعا تاڭبا باس­قان­داي اتاپ كورسەتتى. ماسە­لەن, كول جاعالاۋىنداعى 200-گە تار­تا بازانىڭ 50-ءى عانا زاڭداس­تى­رىلعان. دەمالىس بازاسىندا ەشقانداي قاۋىپسىزدىك شارالارى قام­تىلماپتى. حا­لىقتان وڭاي جولمەن اقشا الىپ, بىراق دەم­الۋ­­شىلارعا جاعداي جا­سا­ماۋعا بار­لىعىنىڭ ەتى ۇيرە­نىپ العان. مىنە, وسى پروبلەمالار ءبىر جىل بۇرىن ناقتى ايتىلسا دا, اباي اتامىز ايتقانداي, «باياعى جارتاس ءبىر جارتاس, قاڭق ەتەر, تۇكتى بايقاماس» دەگەننىڭ كەبىن كيگەن الاكولدىڭ ماسەلەسى سول كۇيى قالسا كەرەك. سەبەبى, بيىل الاكول تۋريستەردى قابىل­داي ال­مايتىن بولدى. بۇعان وبلىس اكىمى تىيىم سالدى. ءويت­كەنى, وسىن­داعى 147 تۋريستىك نى­سان­نىڭ 139-ى سانيتارلىق تەكسە­رۋدەن وتپە­گەن. ماماندار ارنايى بارىپ تەكسەرگەندە بەلگىلى بول­­عانداي, دەمالىس ايماعىندا قاۋىپ­سىزدىك شارالارىن رەتكە كەل­تىرۋ قولعا الىنباعان. قاجەت­تى ينفراقۇرىلىم جوق. وبلىس اكىمى دانيال احمەتوۆ الا­كولدىڭ جاعدايىنا بايلانىستى ءوت­كەن بيىلعى جيىندا وسى پروب­لە­مالاردى ناقتى كورسەتە كەلە بىلاي دەدى: – الاكولدىڭ ماڭىنان جاڭادان قۇرىلىس نىساندارىن سالۋعا تىيىم سالىنادى. حالىقتىڭ الدىندا الەۋمەتتىك جاۋاپكەرشىلىكتى سەزىنبەي وتىرسىزدار. جەڭىل جولمەن اقشا تاۋىپ, قالتاعا باسقاندى عانا بىلەسىزدەر. ءتىپتى اس ءىشىپ, اۋقاتتاناتىن مەيرامحانالاردىڭ دا بارلىعى تالاپقا ساي ەمەس. بىل­تىر دا وسى, بيىل دا وسى. وسى­لاي كۇن كورىپ, قوسىمشا بيۋد­جەتتىڭ دە ءبۇيىرىن سورۋعا ءۇي­ر­ەنىپ العان سياقتىسىزدار. الا­كول­دىڭ ماڭىن تارتىپكە, رەتكە كەل­تىرمەي, سىزدەرگە بىردە-ءبىر تيىن بەرىلمەيدى. بىلتىرعى ايت­قان نۇسقاۋدى, تاپسىرمانى ورىن­دا­ڭىزدار. دەسە دە, وبلىستىق اكىمدىك تۋريستىك بيزنەستى دامىتۋ ءۇشىن دەپ 550 ملن تەڭگە بولگەن ەكەن. بۇل قارجى جەكە-جەكە ءۇي تۇرعىزىپ العان كاسىپكەرلەرگە ەمەس, جال­پىعا ورتاق حالىق دەمالاتىن جا­عا­جايدى جوندەپ, جولدى رەتكە كەل­تىرۋگە بەرىلەتىن بولدى. ءۇرجار اۋدانىنىڭ اكىمى سەرىك زاي­نۋلديننىڭ جۋرناليستەرگە بەرگەن اقپاراتىنا كەلسەك, الاكولدىڭ بولاشاعى زور. تۋريزم كلاستەرىن قۇرۋ بويىنشا ءىس-تاجىريبەلەرى مول ستراتەگيالىق ينۆەستورلاردى تارتۋ دا ويلارىندا بار. دەمەك, زاماناۋي مەيرامحانا, قوناقۇي, ساۋدا-لوگيستيكالىق كەشەن, ساۋ­دا ءۇيى, اسحانا, شاعىن ماركەت, اۆتوسەرۆيس قىزمەتى ءبىر جەردە شوعىرلانباق. بىراق, وبلىس اكىمىنىڭ بۇل كول­دى سىنعا الىپ وتىرعانى دۇ­رىس, دەيدى قاراپايىم حالىق. كول­دىڭ تازالىعى سىن كوتەر­مەي­تىندىگى راس. بۇل تەك شىعىس قا­زاق­ستان وبلىسىنا عانا قاتىس­تى ەمەس, الماتى وبلىسىنا دا قا­تىستى. ولاي بولسا, الاكولدە زامان تالابىنا ساي ءتارتىپ ورنا­تاتىن ۋاقىت كەلگەن سياقتى. قو­لىمىزداعى التىننىڭ قادىرىن ۋا­قىتىندا باعالاي بىلسەك بول­عانى. راۋشان نۇعمانبەكوۆا شىعىس قازاقستان وبلىسى, ءۇرجار اۋدانى