الماتى تاۋار وندىرۋشىلەرى اقىسىز قىزمەتتى پايدالانادى

الماتىلىق تاۋار ءوندىرۋشى­لەرگە سىرتقى نارىققا شىعۋدى جولعا قويۋ ءۇشىن اقىسىز قىز­مەت كورسەتۋ, شەتەلدىك ءىسساپار­لارىنىڭ شىعىندارىن وتەۋ, ەكسپورتتى ىلگەرىلەتۋ ماسەلەلەرى بويىنشا وقىتۋ ۇسىنىلىپ وتىر. مەملەكەتتىڭ مۇنداي قولدا­ۋىنا يە بولۋ ءۇشىن ءوندىرۋشى قازاقستاندىق قامتۋدىڭ دايىن ونىمدەرىن شىعارۋى ءتيىس. بۇل تۋرالى الماتى قالاسى مەن الماتى وبلىسىنىڭ ەكسپورتقا باعىتتالعان كاسىپورىندارىمەن ۇلتتىق اگەنتتىك وتكىزگەن كەڭەس بارىسىندا «KAZNEX INVEST» ۇك» اق باسقارۋشى ديرەكتورى اسقار ارىنوۆ مالىمدەدى. ونىڭ ايتۋىنشا, ءوڭىر ونەركاسىبىنىڭ ەڭ مۇقتاج سالالارى بۇرىنعىشا تاماق, حيميا جانە ماشينا جاساۋ ونەركاسىپتەرى بولىپ قالا بەرمەك. «الماتى قازاقستانداعى ەكس­­­پورتقا باعىتتالعان كومپا­نيالاردىڭ سانى جاعىنان كوش­­باسشى بولىپ تابىلادى. مىسالى, ءبىز Zibroo سپورت كيىم­دەرىن شىعاراتىن الماتىلىق كومپانياعا بارىپ كوردىك. ءوتىم نارىعىنىڭ ەرەكشەلىگىنە تالداۋ جاسالعاننان كەيىن ءبىز كومپانياعا رەسەيدىڭ «سپورت كيىمدەرى» كورمەسىنە قاتىسۋعا ۇسىنىس جاسادىق. ەندىگى جەردە كومپانيانىڭ بارلىق شىق­قان شىعىندارىن 100 پايىز مولشەردە وتەيمىز. سونداي-اق, ءبىزدىڭ جوسپارىمىزدا ءبىر اپتا ىشىندە ءوڭىردىڭ شامامەن 40 كاسىپورنىن بارىپ كورۋ, سونان سوڭ ساۋدا ميسسيالارىنىڭ جول كارتاسىن جانە سالالىق حالىق­ارالىق كور­مەلەردىڭ كۇنتىزبە­­سىن قۇراستىرۋ نيەتى بار», دەيدى اس­قار ارىنوۆ. وسى ارادا 2009-2016 جىلدار ارالىعىندا الماتى مەن الماتى وبلىسى ايماعىندا ءوندى­رىستىك كاسىپورىندار 27,8 ملن اقش دوللارىنا ەكسپورتتىق كەلىسىمشارتتار جاساعانىن اتاپ وتكەن ءجون. 2010-2016 جىلدارى ساۋدا ميسسيالارىنا وڭىرلىك 108 كاسىپورىن قاتىستى, ناتيجەسىندە 100 ملن اقش دوللارىنا ەكس­پورتتىق كەلىسىمشارتتار جاسالدى. ايناش ەسالي, «ەگەمەن قازاقستان» الماتى