شەتەلدەگى قانداستارىمىز دا قالىس قالمايدى

ءداستۇرلى جولداۋدىڭ: «مەن قازاق­ستان حالقىنا جاڭا ءداۋىر قار­ساڭىندا ءسوز ارناپ وتىر­مىن», دەپ باستالۋى تەگىن ەمەس. مەم­لەكەت باس­شىسى «بولا­شا­عىن ايقىنداپ, سىن-قاتەر­لەردى كۇتىپ وتىرماستان, وعان تاباندى تۇردە قارسى تۇرا الا­تىن حالىق قانا جەڭىسكە جەتە­دى. الەمدە كەزەكتى, ءتورتىنشى ونەر­كاسىپ­­تىك رەۆوليۋتسيا باستالدى. ەكو­نو­مي­كانى جاپپاي تسيفرلاندىرۋ تۇتاس سالا­نىڭ جويىلۋىنا جانە مۇلدە جاڭا سالا­نىڭ پاي­دا بولۋىنا الىپ كەلەدى. ءبىزدىڭ كوز ال­دى­­مىزدا بولىپ جاتقان ۇلى وزگەرىستەر – ءارى تاريحي سىن-قاتەر, ءارى ۇلتقا بەرىلگەن ءمۇم­­كىن­­دىك», دەگەندى جايدان-جاي ايتىپ وتىرعان جوق. ەلدىڭ جاھاندىق باسەكەگە قابىلەتتىلىگىن قامتاماسىز ەتەتىن ەكونوميكالىق ءوسىم­نىڭ جاڭا مودەلىن جاساۋدا شەتەلدەگى 5 ميل­ليونعا جۋىق قانداسىمىزدىڭ الەۋ­مەتتىك, دەمو­گرا­فيالىق, مادەني, ەكونو­مي­كالىق جانە ساياسي الەۋەتى دە نازار­دان تىس قالمايدى دەپ ءۇمىت­تەنەمىز. ولار­مەن مادەني قارىم-قاتىناس ورنا­تىپ, ۇلت­تىق رۋحاني تۇرعىدان قولداۋ كور­سەتىپ جۇرگەن دۇنيەجۇزى قازاقتارى قاۋىم­داس­تىعى ەلباسى جولداۋىندا ايتىلعان قازاق­ستاندى جاڭعىرتۋدىڭ بەس نەگىزگى باسىمدىعىن ناسيحاتتاۋ جانە ءتۇسىندىرۋ جۇمىسىن جوسپارعا ساي جۇرگىزەتىن بولادى. بۇل باعىتتا جىلداعى ءداستۇر بويىنشا, جولداۋدىڭ ءماتىنىن قىتايداعى قازاقتار ءۇشىن احمەت بايتۇرسىنوۆ ءالىپبيى بويىن­شا, رەسەيدەگى قازاقتار ءۇشىن كيريلليتسا­مەن, ەۋروپاداعى قازاقتار ءۇشىن لاتىن الىپبيىمەن ورىس, وزبەك, موڭعول, اعىلشىن جانە سۇرانىسقا قاراي وزگە دە تىلدەرگە اۋدارامىز. ونى شەتەلدەگى ۇلتتىق-مادەني ورتالىقتار ارقىلى جانە قاۋىم­داستىق ۇيىمداستىراتىن جانە ونىڭ اتسالىسۋمەن وتەتىن ءتۇرلى قۇرىل­تايلار, كونفەرەنتسيالار, ءدوڭ­گەلەك ۇستەل جيىندارى مەن مادە­ني, سپورتتىق جانە تاعى باسقا دا شارالاردا شەتەلدەگى قان­داس­تارىمىزعا تاراتاتىن بولامىز. سونداي-اق, قازاقستاننىڭ جەتەك­شى عالىمدارى مەن قوعام قايراتكەر­لەرىنىڭ كومەگىمەن ءتۇسىندىرۋ, تالداۋ, ناسي­حاتتاۋ جۇمىستارى جۇرگىزىلەدى. جالپى, تاۋەلسىزدىك جىلدارى اتا­جۇرتقا ورالعان 1 ميلليونعا جۋىق قان­داسىمىز قازاقستاننىڭ دامۋىنا قوماقتى ۇلەس قوسقانىن بۇگىندە ەشكىم جوققا شىعار­مايدى. ونىڭ ەڭ ماڭىزدىسى ولار­دىڭ مەم­لەكەت قۇراۋشى ۇلتتىڭ كەڭەس­تىك داۋىردە قۇل­دىراپ كەتكەن ۇلەسىن, ءوزىنىڭ تاريحي ورنىنا قايتا شىعارۋى دەۋگە بولادى. شەتەلدەن كەلگەن قانداستارىمىز وزىمەن بىرگە ادامي كاپيتالىن عانا ەمەس, شەتەلدىك قارجى مەن تەحنولوگيانى ينۆەستيتسيالاۋعا جول اشتى. بۇل ءۇردىس الداعى ۋاقىتتا دا ءۇزىلىسسىز ءوز جالعاسىن تابا بەرەتىن بولادى. بابالارىمىزدىڭ «ەلگە ەل قوسىلسا – قۇت» دەگەن ناقىلى وسىنداي جاعدايعا وراي اي­تىلعانى كۇمانسىز. ەلدىگىمىزدىڭ باياندى, مەم­لەكەتىمىزدىڭ باسەكەگە قابىلەتتىلىگىنىڭ جوعارى بولۋى تەك قازاقستاندىقتاردىڭ عانا ەمەس, سىرتتا جۇرگەن قازاقتاردىڭ دا اسىل ارمانى. تالعات ماماشەۆ, دۇنيەجۇزى قازاقتارى قاۋىمداستىعى تورالقا توراعاسىنىڭ ءبىرىنشى ورىنباسارى الماتى