ايماقتىڭ شارۋاشىلىقتارىن ارالادى

پارلامەنت سەناتىنىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ مۇشەلەرى مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋ اياسىندا اقمولا وبلىسىنداعى تسەلينوگراد اۋدانىنىڭ شارۋاشىلىقتارىندا بولدى. سەناتورلار ساپارلارى بارىسىندا ەلباسىنىڭ جولداۋىنان تۋىندايتىن مىندەتتەر اياسىندا ۆەتەرينارلىق قاۋىپسىزدىكتى كۇشەيتۋ ماسەلەلەرى بويىنشا الداعى شارالاردى تالقىلادى. سەنات دەپۋتاتتارى قوس­شى اۋىلدىق وكرۋگىندە, ۆەتە­ري­نار­­لىق لابوراتوريادا بولىپ, «استانا ءونىم» اكتسيونەرلىك قو­عا­مى ءسۇت كەشەنىنىڭ جۇمىسىمەن تا­نىستى. كەلەشەكتە ەكونوميكانىڭ جا­ڭا دراي­ۆە­رىنە اينالاتىن اگ­رارلىق سەكتوردا ەكو­لوگيالىق تازا ونىمدەر مەن تاعامدار ءون­دى­رۋ ماقساتىندا كەشەندى ءىست­ەر­دى قولعا الۋ كوزدەلىپ وتىر. سە­ناتورلار اۋىل شا­رۋاشىلىعى ەڭ­بەككەرلەرىنىڭ الدىندا تۇر­­عان اۋقىمدى مىندەتتەر تۋرالى پىكىر ال­ماستى. ساپار قورىتىندىسى بويىنشا «استانا ءونىم» اكتسيونەرلىك قو­عامى شا­رۋا­شىلىقتارىنىڭ عي­ماراتىندا وب­لىس­تىق ۆەتەريناريا باسقارماسىنىڭ باس­شىلىعى, تسەلينوگراد اۋ­دانىنىڭ جانە دە كورشىلەس ار­شالى, ەگىندىكول, قور­عالجىن, شورتاندى اۋدان­دا­ر­ى­نىڭ باس ۆەتەرينار دارىگەرلەرىنىڭ, مەملەكەتتىك ۆەتەريناريا ينسپەكتسياسى ماماندارىنىڭ, اۋىلدىق وكرۋگتەر اكىمدەرىنىڭ, اۋداننىڭ ۆەتەرينارلىق دارىگەرلەرىنىڭ, مال شا­رۋا­شىلىعى ۇيىمدارى وكىلدەرىنىڭ قا­تى­سۋىمەن وتكەن دوڭگەلەك ۇستەلدە ۆەتەري­ناريا سالاسىنداعى وزەكتى ماسەلەلەر تال­قىلاندى. اگرارلىق ماسەلەلەر, تابيعاتتى پاي­دالانۋ جانە اۋىلدىق اۋماقتاردى دا­مىتۋ كوميتەتىنىڭ حاتشىسى جەڭىس نۇر­عاليەۆ ەل­باسى جولداۋىنداعى اۋىل شا­رۋا­شىلىعى ماسەلەلەرى بويىنشا قويىلىپ وتىرعان مىندەتتەر تۋرالى ايتا كەلىپ, ولاردى زاڭنامالىق ىسكە اسىرۋ جونىندەگى اقپاراتتارمەن تانىستىردى, دەپ حابارلادى پارلامەنت سەناتىنىڭ ءباسپاسوز قىزمەتى.