ەلىمىزدىڭ ۇستانىمدارى حالىقارالىق قولداۋعا يە

21 اقپاندا قازاقستان سىرتقى ىستەر ءمينيسترىنىڭ ورىنباسارى رومان ۆاسيلەنكو بۇۇ قاۋىپسىزدىك كەڭەسىندە مينيسترلىك دەڭگەيىندە «حالىقارالىق بەيبىتشىلىك پەن قاۋىپسىزدىكتى ساقتاۋ: ەۋروپاداعى قاقتىعىستار» تاقىرىبىندا وتكەن اشىق پىكىرسايىسقا قاتىستى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى. قازاقستاندا سيريا بويىنشا كەلىسسوزدەر بارىسىندا ءوزىنىڭ تيىمدىلىگىن كورسەتكەن استانا پلاتفورماسى باسقا دا داۋ-جانجالداردى شەشۋ ماقساتىندا كەڭىنەن قولدانىلۋى مۇمكىن دەپ ەسەپتەيدى, دەپ اتاپ ءوتتى قا­زاق­س­تاندىق ديپلومات ءوز سوزىندە. ونىڭ ايتۋىنشا, مۇنداي الاڭ حالىقارالىق قۇقىقتىڭ نە­گىزگى قاعيداتتارىنا سەنىمدى قال­پىنا كەلتىرۋ جانە وعان دەگەن ادالدىقتى قايتادان راستاۋ ءۇشىن, سونداي-اق, بارلىق تاراپ­تار­دىڭ ۇلتتىق مۇددەلەرىن قۇر­مەتتەۋ ءۇشىن بۇگىندە وتە ما­ڭىزدى. ر.ۆاسيلەنكو ەۋروپا بەتپە-بەت كەلىپ وتىرعان زاڭسىز كوشى-قون, ۇيىمداسقان قىلمىس, ادام ساۋداسى سياقتى وسە ءتۇسىپ وتىر­عان ۇرەي مەن سەنىمسىزدىك احۋالى ار­قىلى ودان بەتەر تەرەڭدەي ءتۇس­كەن سىن-قاتەرلەردى اتاپ كور­سەتتى. قازاقستان پرەزيدەنتى نۇرسۇلتان نازارباەۆتىڭ بۇۇ باس اسسامبلەياسىنىڭ 70-ءشى سەسسياسىندا ايتقان حالىقارالىق قاۋىمداستىقتىڭ نازارىن داۋ-جان­جال­داردىڭ الدىن الۋ ءجو­نىن­دەگى جاڭا ستراتەگيانى دا­­مى­تۋ­عا باعىتتاۋ قاجەتتىگى تۋرا­لى يدەياسىنىڭ وسى وراي­دا مەيلىنشە كوكەيكەستى ەكەنى اتاپ ءوتىلدى. قازاقستاندىق دەلەگاتسيا باسشىسى پىكىرسايىسقا قا­­تى­سۋشىلارعا قازاقستاننىڭ ءوزى­نىڭ 2017-2018 جىل­دارداعى بۇۇ قك جۇمىسىندا مەملەكەت باس­شىسى جا­ريالاعان «الەم. ءححى عاسىر» مانيفەسى مەن 2017 جىل­دىڭ قاڭتارىنداعى كەڭەس مۇشەلەرىنە ساياسي ۇندەۋى سياق­تى شەشۋشى قۇجاتتاردىڭ ەرە­جەلەرىن باسشىلىققا الاتىنىن جەتكىزدى. استانا ەۋروپالىق قۇ­ر­لىق­تاعى داۋ-جانجالدار اي­ما­عىنداعى احۋالداردى حالىقارالىق قۇقىق نورمالارىنا ءجا­نە ولاردى رەتتەۋدىڭ جۇمىس ىستەپ تۇرعان حالىقارالىق مە­­حا­نيزمدەرىنە سايكەس بەيبىت رەت­تەۋدى قولدايدى, دەپ اتاپ ءوتتى سپيكەر. قازاقستان ەل استانا­سىندا سامميت وتكىزۋمەن جانە دەك­لاراتسيا قابىلداۋمەن تابىس­تى قو­رىتىندىلانعان 2010 جىل­عى ەقىۇ-عا توراعالىعى با­­رىسىندا ءوزىنىڭ وسىنداي كوزقاراسىن ايرىقشا ايقىن كور­­سەتە ءبىلدى. نەگىزىنەن العاندا ءبىز­دىڭ ەلىمىزدىڭ جانە پرە­زيدەنت نۇرسۇلتان نازارباەۆتىڭ جەكە ۇلەسىنىڭ ار­قاسىندا 2015 جىلى مينسك كەلىسىمىن بەكىتۋگە اكەلگەن ۋكراينا داعدارىسىن شەشۋ جونىندەگى بەيبىت كە­لىس­سوزدەر تە­تىگى ىسكە قوسىلدى, ال 2010 جىلى قىرعىزستانداعى جاع­­داي­دى تۇراقتاندىرۋدىڭ ءسا­تى ءتۇستى. قازاقستان تاراپىنان ۇسى­نىل­عان پوزيتسيالار بۇۇ باس حات­شىسى انتونيو گۋتەررەشتىڭ, ەقىۇ باس حاتشى­سى لامبەرتو زانەردىڭ جانە باسقا دا پىكىر­سايىس­قا قا­تى­سۋشىلاردىڭ ءسوي­لەگەن سوزدەرىمەن ۇندەس شىقتى. سويلەۋشىلەر ەۋروپادا تۇ­راق­تىلىق پەن قاۋىپسىزدىكتى ساق­تاۋدا, سونداي-اق, داۋ-جان­جالداردى ساياسي جانە ديپ­لو­ما­تيالىق قۇرالدارمەن بەيبىت كە­لىس­سوزدەر جولىمەن شەشۋدە مۇددەلى تاراپتاردىڭ بىرلەسكەن كۇش-جىگەرىنىڭ ماڭىزدى ەكەنىن اتاپ كورسەتتى. وتىرىسقا اۆستريانىڭ, ازەر­­بايجاننىڭ, گرۋزيا­نىڭ, گەر­­مانيانىڭ, ۆەن­گريا­­­نىڭ, مول­­دوۆانىڭ, لات­ۆيا­نىڭ, ليت­­ۆانىڭ, رۋ­مىنيانىڭ, سي­نە­گالدىڭ, فين­ل­يان­ديانىڭ, حور­ۆا­تيانىڭ, شۆە­تسيانىڭ سىرت­قى ساياسات ۆە­­­دوم­ستۆو­لارىنىڭ باس­شىلارى مەن سىرتقى ساياسات ۆە­دوم­­ستۆولارى باسشىلارىنىڭ ورىنباسارلارى, سون­داي-اق, بۇۇ-عا مۇشە مەملەكەتتەردىڭ 80-نەن استام دەلەگاتسيا­لارى قا­تىستى. بۇۇ قك پىكىرسايىسى الاڭى­ندا ر.ۆاسيلەنكو ەۋرو­پا­لىق سىرتقى ءىس-قيمىلدار قىزمەتىنىڭ باس حاتشى­سى حەل­گا شميدپەن, ۆەنگريانىڭ سىرتقى ىستەر ءمينيسترى پەتەر سييارتومەن قىسقا كەزدەسۋلەر وتكىزدى. سونداي-اق, بۇۇ باس حات­شى­سىنىڭ ساياسي ماسەلەلەر بويىن­شا ورىنباسارى دجەففري فەلتمانمەن كەزدەسۋ بول­دى. كەزدەسۋ بارىسىندا تاراپتار جا­ھاندىق كۇن ءتار­تى­بىن­دەگى كو­كەيكەستى ماسەلەلەر جونىندە پىكىر الماسىپ, ەلى­مىزدىڭ باس­تى حالىقارالىق ۇيىمعا ءمۇ­شە­­ل­ىگىنىڭ 25 جىل­دىعى قار­سا­ڭىنداعى قازاقستاننىڭ بۇۇ-مەن ءوزارا باي­لانىسى اڭگىمە ارقاۋىنا اينالدى. ر.ۆاسيلەنكو قاتىسۋشىلارعا قازاقستانداعى ما­ڭىز­دى ىشكى ساياسي وزگەرىستەر تۋرالى باياندادى, اتاپ ايت­قاندا, پرەزيدەنتتىڭ كونستيتۋتسيالىق رەفورما ار­قى­لى بيلىك وكىلەتتىكتەرىن پار­لامەنتكە بەرۋگە نەگىز قا­لاي­تىن جانە ەلدەگى ودان ارعى دە­موك­را­تيالىق قايتا قۇ­رۋلارعا جا­ڭا سەرپىن بەرەتىن قازاقستان حال­قىنا ارنايى ۇندەۋىنىڭ ماز­مۇنىمەن تانىستىردى. قازاقستان پرەزيدەنتىنىڭ «قازاقستاننىڭ ءۇشىنشى جاڭ­عى­­رۋى: جاھاندىق باسەكەگە قا­بى­لەتتىلىك» اتتى جولداۋى تۋرالى اقپارات تا جينالعانداردىڭ ۇلكەن قىزىعۋشىلىعىن تۋدىردى.