ازاماتتاردى قابىلدادى

قارجى ءمينيسترى باقىت سۇلتانوۆ تاراز قالاسىندا «نۇر وتان» پارتياسىنىڭ جامبىل فيليالىندا ازاماتتاردى قابىلدادى. ازاماتتاردى قابىلداۋ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن جامبىل وبلىسىنىڭ تۇرعىندارىنا ءتۇسىندىرۋ شەڭبەرىندە وتكىزىلدى. ازاماتتاردى قابىلداۋدى وتكىزۋ كەزىندە ءمينيستردىڭ اتىنا ءارتۇرلى سيپاتتاعى سۇراقتار كەلىپ ءتۇستى. ازاماتتاردى الەۋ­مەتتىك تولەمدەر (زەينەتاقى, جاردە­ماقى), ءبىلىم بەرۋ, دەنساۋ­لىق ساقتاۋ, مادەنيەت جانە سپورت سالا­لارىنداعى وبەكتىلەر قۇرى­لىسى, الەۋمەتتىك جۇمىس ورىندارىن قۇرۋ ماسەلەلەرى قىزىقتىردى. سونىمەن قاتار, شاعىن جانە ورتا بيزنەسكە سالىق سالۋ, كەدەندىك راسىمدەردى جەڭىلدەتۋ ساياساتىنا, ت.ب. ماسەلەلەرگە قاتىستى سۇراقتار كوپ قويىلدى. بارلىق ءوتىنىش بىلدىرگەن ازاماتتارعا قارجى ءمينيسترى تيىسىنشە تۇسىنىكتەمە بەرىپ, ۇسى­نىل­عان قۇجاتتاردى قاراس­تىردى جانە ازاماتتار ايتقان ماسەلەلەردى شەشۋ بويىنشا ءارى قاراي نە ىستەۋ كەرەك ەكەندىگىن ءتۇسىندىردى. ول 2017 جىلى 3 539,9 ملرد تەڭگە نەمەسە جالپى رەس­پۋبليكالىق بيۋدجەتتىڭ 41%-ى الەۋمەتتىك سالاعا بولىنەتىنىن ايتتى. 2017 جىلعى شىعىستاردىڭ 94%-ى نەمەسە 3 319 ملرد تەڭگە ەڭ تومەنگى الەۋمەتتىك كەپىل­دىكتەردى قامتاماسىز ەتۋگە جۇم­سالادى, ال بۇل جۇرتشىلىققا مەدي­تسينالىق كومەك كورسەتۋ (ەمحانا, ستانتسيونارلىق كومەك جانە تەگىن دارىمەن قامتاماسىز ەتۋ), كادرلاردى ورتاشا جانە ارناۋلى, جوعارى وقۋ ورىندارىنان كەيىن وقىتىپ دايىنداۋ, سونداي-اق, ولاردىڭ بىلىكتىلىگىن ارتتىرۋ, الەۋمەتتىك نىساندار قۇرىلى­سى جانە الەۋمەتتىك تولەمدەرگە باعىتتالاتىن قارجى دەگەن ءسوز. مينيستر سالىق جانە كەدەن­دىك اكىمشىلەندىرۋ راسىمدەرىن جەڭىلدەتۋ مەن قازاقستاندا بيزنەس جۇرگىزۋ ءۇشىن جاعدايلاردى جاقسارتۋ بويىنشا ۇكىمەت جوسپارى تۋرالى ايتتى. سونداي-اق, باقىت سۇلتانوۆ قابىلداۋعا كەلگەن ازاماتتارعا جەكە وزىنە قارجى مينيسترلىگىنىڭ رەسمي سايتىنداعى www.minfin.gov.kz بلوگى ارقىلى كەز كەلگەن ادام ءوتىنىش بىلدىرە الاتىنىن ەسكەرتتى, دەپ حابارلادى قارجى مينيسترلىگىنىڭ ءباسپاسوز قىزمەتى.