كوكتەمگى اڭ اۋلاۋعا تىيىم سالىنادى

جانۋارلار الەمىن ساقتاۋ جانە جانۋارلار سانىن كوبەيتۋ ماقساتىندا 2017 جىلدىڭ 16 اقپانىندا قازاقستان اۋماعىندا اڭشىلىقپەن اينالىسۋعا تىيىم سالىندى. بۇل تۋرالى ورتالىق كوممۋنيكاتسيالار قىزمەتىنىڭ الاڭىندا قازاقستان رەسپۋبليكاسى اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتى توراعاسىنىڭ مىندەتىن اتقارۋشى مارلەن اينابەكوۆ حابارلادى, دەپ جازادى قر اۋىل شارۋاشىلىعىنىڭ ءباسپاسوز قىزمەتى. ەل اۋماعىنداعى قولدانىستاعى اڭ اۋلاۋ قاعيدالارىنا سايكەس كوكتەمگى مەزگىلدە اتالىق ۇيرەكتەردى, اتالىق شالشىقشىلاردى, جىلقىشىنى, ساڭىراۋ قۇردى جانە قۇردى قۇس ويناق كەزىندە اۋلاۋعا رۇقسات بەرىلگەن. بۇل رەتتە كوكتەمگى اڭ اۋلاۋعا رەسمي تۇردە ۇيرەككە رۇقسات ەتىلگەن ليميتتەر 5%-دان ارتىق بولىنبەيدى, ياعني اڭشىلىق شارۋاشىلىعى سۋبەكتىلەرىنە بۇل تىيىم سالۋ بويىنشا ايتارلىقتاي ەكونوميكالىق شىعىن كەلمەيدى. كوكتەمگى اڭ اۋلاۋ كەز كەلگەن ءتۇر قاتتى الاڭداتۋشىلىق تۋعىزىپ, ۇيا سالۋ ناۋقانىن كۇرت بۇزادى. بۇل رەتتە ەڭ الدىمەن بەلسەندى ءارى رەپرودۋكتيۆتىك جاعىنان باعالى اتالىقتار اتىپ الىنىپ, بۇل ءوز كەزەگىندە تۇرلەردىڭ گەندىك قورىن ناشارلاتادى. اڭشىلاردىڭ (اڭشىلىق ۇيىمداردىڭ مۇشەلەرى جىل سايىن وسۋدە, قازىرگى تاڭدا 150 000 ادامنان استى) باسىم بولىگى تابيعاتقا جاڭاشىرلىقپەن قاراۋ قاعيداتتارىن مۇلدەم ساقتامايدى ال بۇرىن اڭشىلار جابايى اڭ-قۇستاردىڭ كەز كەلگەنىنە ءوزىنىڭ مەنشىگىندەي قارايتىن, اڭ اۋلاۋ مەرزىمدەرى مەن قاعيدالارىن قاتاڭ ساقتاپ, براكونەرلىككە جول بەرمەيتىن جانە باسقالاردىڭ دا جانۋارلار دۇنيەسىنە قاسكويلىك جاساماۋىن ءجىتى قاداعالايتىن. جابايى قۇستاردىڭ سانى ازايىپ وتىرعاندا براكونەرلەردىڭ سانى كوبەيىپ بارادى. 2016 جىلعى كوكتەمگى اڭ اۋلاۋ كەزەڭىندە ەل اۋماعىندا اكىمشىلىك قۇقىق بۇزۋشىلىق بويىنشا 758 فاكتى تىركەلدى (قر اقبتك 382 بابى بويىنشا). ال 2015 جىلى زاڭسىز اڭ اۋلاۋدىڭ 636 فاكتىسى تىركەلگەن بولاتىن. ياعني اڭ اۋلاۋ قاعيدارلارىنىڭ بۇزىلۋى ارتا تۇسۋدە. جابايى قۇستار سانىنىڭ ازايۋى كوكتەمگى اڭ اۋلاۋعا تىيىم سالۋ ارقىلى ولاردىڭ كوبەيۋىنە شارالار قولدانۋدى تالاپ ەتىپ وتىر. “وسىعان وراي, كوميتەت قر بعم زوولوگيا ينستيتۋتىمەن جانە قازاقستان بيوالۋانتۇرلىلىكتى ساقتاۋ قاۋىمداستىعىمەن بىرگە رەسپۋبليكانىڭ بارلىق اۋماعىندا كوكتەمگى اڭ اۋلاۋ كەزىندە جابايى قۇستار اۋلاۋعا تىيىم سالۋ ماسەلەسىن پىسىقتالدى. اڭ اۋلاۋدىڭ بارلىق جانۋارلار توپتارىنا قاتتى الاڭداتۋشىلىق تۋدىراتىنىن ەسكەرە وتىرىپ, اتالعان عىلىمي جانە قوعامدىق ۇيىمدار قۇستاردىڭ ۇيا سالۋ كەزەڭىندە كوكتەمگى اڭ اۋلاۋعا تىيىم سالىنۋىنا قولداۋ ءبىلدىردى. كوكتەمگى اڭ اۋلاۋعا تىيىم سالۋ جابايى قۇستار سانىنىڭ ءوسىمىن ساقتاپ قالۋعا مۇمكىندىك بەرەدى”, -دەپ حابارلادى. “وسى ايتىلعانداردىڭ نەگىزىندە, زوولوگيا ينستيتۋتى جانە قازاقستان بيوالۋانتۇرلىلىكتى ساقتاۋ قاۋىمداستىعى كوكتەمگى اڭ اۋلاۋدا جابايى قۇستاردى الۋعا تىيىم سالۋ جانە جابايى قۇستاردىڭ ءار تۇرىنە تاۋلىكتىك الىپ قويۋ مولشەرىن ءبىر اڭشىعا بەس داراققا دەيىن شەكتەۋ ەنگىزۋ بويىنشا بيولوگيالىق نەگىزدەمە جاسالدى. 2017 جىلعى 16 اقپاننان باستاپ 14 ماۋسىمعا دەيىنگى مەرزىمدە كاسىپشىلىك اڭ اۋلاۋدان باسقا, اڭ اۋلاۋعا تىيىم سالۋ جانە ءبىر اڭشىعا شاققاندا جابايى قۇس پەن تەرىسى باعالى اڭنىڭ ءبىر ءتۇرىن الىپ قويۋدىڭ تاۋلىكتىك نورماسىن بەس داراققا دەيىن شەكتەۋ بولىگىندە قر اشم ورمان شارۋاشىلىعى جانە جانۋارلار دۇنيەسى كوميتەتىنىڭ 2016 جىلعى 24 قاراشاداعى № 265 بۇيرىعىمەن «جانۋارلار دۇنيەسى وبەكتىلەرىن, ولاردىڭ بولىكتەرى مەن دەريۆاتتارىن پايدالانۋعا شەكتەۋ مەن تىيىم سالۋدى ەنگىزۋ, ولاردى پايدالانۋ ورىندارى مەن مەرزىمدەرىن بەلگىلەۋ تۋرالى» 2015 جىلعى 24 شىلدەدەگى بۇيرىققا تولىقتىرۋلار مەن وزگەرتۋلەر ەنگىزىلدى”,- دەدى م.اينابەكوۆ.