ۋەفا ۋكراينانىڭ فۋتبول كلۋبتارىن ەۋروكۋبوكتاردان شەتتەتۋى مۇمكىن

ۋەفا ۋكراينانىڭ فۋتبول كلۋبتارىن ەۋروپا تۋرنيرلەرىنەن شەتتەتۋى مۇمكىن. بۇل تۋرالى «پليۋس سپورت» باسىلىمىنا بەرگەن سۇحباتىندا زاڭگەر دميتري كوروبكو مالىمدەدى. بۇل «كارپات» فۋتبول كلۋبى بۇرىنعى ويىنشىسى ۆلاديمير گۋدىماعا قاتىستى لۆوۆ قالاسىنداعى فرانكوۆسك اۋداندىق سوتىندا جەڭىسكە جەتۋى, سونداي-اق ۋكراينا فۋتبول فەدەراتسياسىنىڭ «كارپاتقا» سالعان ايىپپ ۇلىن سوت الىپ تاستاۋى سەبەپ بولسا كەرەك. سەبەبى, فيفا مەن ۋەفا-نىڭ فۋتبول ىسىنە مەملەكەتتىڭ ارالاسپاۋى تۋرالى شارتى بۇزىلدى. «كارپات» ۇلكەن بىر ىسكە سەبەپشى بولايىن دەپ تۇر. ەرتەڭ-اق, فۋتبول فەدەراتسياسىنىڭ (ۋفف) كەز كەلگەن شەشىمىنە ۋكراينانىڭ اۋداندىق سوتتارىنىڭ ءبىرى نارازىلىق ءبىلدىرۋى مۇمكىن. ال ۋەفا مۇندايعا كوز جۇما قارامايدى. وزگە كلۋبتار دا سوڭىن جالعاماس ءۇشىن ءتيىستى شارالار قولدانادى. زاڭعا قارسى ارەكەت جاسالدى. سەبەبى, مەملەكەت تولىعىمەن فۋتبول ىسىنە ارالاسىپ وتىر. بۇل ۋەفا مەن فيفا-نىڭ زاڭىنا قاراما-قايشى كەلەدى», – دەدى زاڭگەر. «ءىس قيىنداپ كەتسە تاڭ قالمايمىن. مۇنداي جاعدايدا «كارپاتتى» ەمەس الدىمەن فۋتبول فەدەراتسياسىن تەكسەرەدى. ۋەفا ۋكراينانىڭ بارلىق كلۋبتارىنا ەۋروكۋبوكتىك تۋرنيرلەرگە شەكتەۋ قويۋى نەمەسە ۋفف-نىڭ مۇشەلىگىن توقتاتۋى ابدەن مۇمكىن», – دەدى دميتري كوروبكو.