ماكسيم ۆولكوۆ: وڭتۇستىك كورەيانى ارەڭ جەڭدىك

حوككەيدەن قازاقستان قۇراماسىنىڭ شابۋىلشىسى ماكسيم ۆولكوۆ وڭتۇستىك كورەياعمەن وتكەن ماتچ جايلى وي ءبولىستى. بۇل تۋرالى vesti.kz حابارلادى. «ءتۇرلى سپورت سارايلارىندا دايىندالدىق. العاشىندا مۇز ايدىنىنا جاتىرقاپ جۇردىك. كەزدەسۋ ءبىز ءۇشىن وڭاي بولعان جوق. قوبالجىعانىمىز دا بولۋى كەرەك, باسىندا ءوز ويىنىمىزدى كورسەتە الماي جۇردىك. بىراق باپكەرىمىز بويىمىزعا رۋح بەرىپ, ماتچتى ءوز قولىمىزعا الدىق. ناتيجەسىندە بىرنەشە گول سوعىپ, جەڭىسكە جەتتىك», – دەدى ول. ماكسيم بۇل كەزدەسۋدەگى العاشقى شايبانىڭ اۆتورى اتانعان: «بۇل كەزدە مەن ءۇشىن ءبارىن بىرەۋ دايىنداپ بەرگەندەي بولدى. مەنى تورۋىلداپ جۇرگەن قورعاۋشى كوز جازىپ قالدى ءارى قارسىلاستارىمىزدىڭ ءبىرى جازالانىپ, بىرنەشە مينۋتقا الاڭنان قۋىلعان. وسى ءساتتى ءتيىمدى پايدالانىپ, ءدال سوققى باعىتتادىم.», – دەدى. «ءبىز ءتۇرلى ارەنالاردا دايىندالعاندىقتان مۇز ايدىننىڭ ساپاسى جوعارى بولدى دەپ ايتا الامىن. ال وزگە جەرلەردە دالادا شايبا قۋىپ جۇرگەن سياقتى كۇيدە قالاسىڭ», – دەدى ماكسيم ۆولكوۆ. ايتا كەتەيىك, جاپونيانىڭ ساپپورو قالاسىندا ءوتىپ جاتقان VIII قىسقى ازيا ويىندارىندا قازاقستان قۇراماسى وڭتۇستىك كورەيامەن كەزدەسىپ, 4:0 ەسەبىمەن جەڭدى.