استانادا مەكتەپ وقۋشىلارىنا ارنالعان «كۇندەلىك» جوباسى ءتۇسىندىرىلدى

ورتالىق كوممۋنيكاتسيالار قىزمەتىندە ءبىلىم جانە عىلىم مينيسترلىگى ءبىلىم سالاسىندا ەلەكتروندىق جۇيەنى ەنگىزۋ ماقساتىندا جاسالىنىپ جاتقان سەرپىندى جوبالار تۋرالى ءباسپاسوز ءماسليحاتىن وتكىزدى. وعان مينيسترلىكتىڭ اقپاراتتىق تەحنولوگيالار دەپارتامەنتى ديرەكتورى المات يشانوۆ, زاڭ دەپارتامەنتىنىڭ ديرەكتورى نۇرسەيىت بايجانوۆ, مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى جاڭىل جونتاەۆا قاتىستى. اتالعان ۆەدومستۆونىڭ وكىلدەرى ەلىمىزدە ەلەكتروندىق كۇندەلىكتەر جۇيەسىنىڭ قاناتقاقتى جوبالارى تۋرالى باياندادى. بۇل جوبانى 2015 جىلى «كۇندەلىك» ساج ۇسىنعان بولاتىن. ول ەلەكتروندىق جۋرنالدار مەن كۇندەلىكتەر جوباسى بويىنشا مەملەكەتتىك-جەكەمەنشىك ارىپتەستىگى تۇجىرىمداماسىنىڭ جوباسىن ۇسىندى. وسىعان بايلانىستى مينيسترلىك جوبانىڭ تيىمدىلىگىن قاراستىرىپ, ۋاكىلەتتى ورگاندارعا جىبەردى. ال بىلتىر تۇجىرىمداما جوباسى اقپارات جانە كوممۋنيكاتسيالار مينيسترلىگى, «اتامەكەن» ۇكپ مەن «ءمجا ورتالىعى» اق-نا جولداندى. «قازىرگى ۋاقىتتا Kundelik.kz رەسۋرسى «اقپاراتتاندىرۋ تۋرالى» زاڭعا سايكەس اقپاراتتىق جۇيەلەردىڭ مەملەكەتتىك بىرىڭعاي وپەراتورى – «ۇلتتىق اقپاراتتىق تەحنولوگيالار» اق ينفراقۇرىلىمىندا ورنالاستىرىلدى.  بۇگىندە جۇيەگە 3887 مەكتەپ پەن 2,5 ملن. ادام تىركەلگەن. ولاردىڭ ىشىندە 174 006 مۇعالىم, 1 467 286 وقۋشى مەن 854 280 بالانىڭ اتا-اناسى بار. جۇيەنى بارلىق وبلىستار مەن استانا جانە الماتى قالالارىنىڭ ءبىلىم باسقارمالارى مەن 177 قالالىق جانە اۋداندىق ءبىلىم بولىمدەرىنىڭ 156 قولدانىپ وتىر», – دەدى ا.يششانوۆ. بريفينگتە مينيسترلىكتىڭ وكىلى ارىپتەس كومپانيامەن تىكەلەي كەلىسسوزدەر جۇرگىزىپ, جۇيەنى جەتىلدىرۋ بويىنشا بارلىق ۇسىنىستاردىڭ قاراستىرىلىپ جاتقانىن ايتتى. سونىمەن بىرگە, ول قازىرگى كەزدە «كۇندەلىك» كومپانياسىنىڭ ىسكەرلىك بەدەلىنە نۇقسان كەلتىرەتىن اقپاراتتاردىڭ تاراپ جاتقانىن دا جاسىرمادى.  وسىعان بايلانىستى ول جيىندا سەرپىندى جوبانىڭ ءمانى مەن ماڭىزى تۋرالى كەڭىرەك ايتىپ بەردى. «Kۇندەلىك» جۇيەسىنە ەلىمىزدىڭ كەز-كەلگەن مەكتەبى قالاعان ۋاقىتىندا تەگىن قوسىلا الادى. ول مەكتەپتەردىڭ وقۋشىلارى مەن ولاردىڭ اتا-انالارى ءوز باعالارىن, ءۇي تاپسىرمالارىن, ساباق كەستەلەرىن, مەكتەپتەگى جاڭالىقتاردى جانە باسقا دا اقپاراتتى قاراپ وتىرۋعا ارنالعان. اتا-انا ءوز پايدالانۋشى اتى مەن قۇپياسوز ارقىلى كundelik.kz سايتىنا كىرىپ, «بالالار» – «كۇندەلىك» دەگەن بولىمدەرى ارقىلى ءوز بالاسىنىڭ ەلەكتروندى كۇندەلىگىنە كىرىپ, ونىڭ باعالارىن, ءۇي تاپسىرمالارىن تەگىن كورە الادى. مەكتەپتەردەن دە سايتتى پايدالانۋ ءۇشىن ەشقانداي تولەم الىنبايدى», – دەدى ول. جيىندا وسى ماسەلەگە بايلانىستى جاڭىل جونتاەۆا دا ءوز ويلارىمەن ءبولىستى. ول باسقا جوبالارعا قاراعاندا, Kundelik.kz جوباسى بيۋدجەتتەن قارجىلاندىرىلمايتىنىن, ونىڭ جۇمىسىن جەتىلدىرۋگە سالىق تولەۋشىلەردىڭ ءبىر تيىنى دا جۇمسالمايتىنىن ەسكەرتتى. سول سياقتى ول Kundelik.kz جۇيەسىنە تىركەلگەن ادامدار تۋرالى اقپاراتتاردىڭ ءبارى زاڭمەن قورعالىپ, ونىڭ قاۋىپسىزدىگىنە مەملەكەتتىڭ ءوزى كەپىلدىك بەرەتىنىن اتاپ ءوتتى. وسى ورايدا ول جۇيەگە تىركەلگەن كەزىندە جسن جولىن تولتىرۋ مىندەتتى ەمەس, وقۋشىنىڭ اتا-اناسىنا تىركەلۋ ءۇشىن تولىق اتى-ءجونىن, تۋعان كۇنىن حابارلاۋ جەتكىلىكتى ەكەنىن ايتتى. داستان كەنجالين, «ەگەمەن قازاقستان»