فيرۋزا ءشارىپوۆانىڭ جەكپە-جەگى وتەتىن كۇن بەلگىلى بولدى

قازاقستاندىق كاسىپقوي بوكسشى قىز فيرۋزا ءشارىپوۆا تيتۋلدى كەزدەسۋىنىڭ الدىندا رەيتينگتى جەكپە-جەگىن وتكىزەتىن بولدى. بۇل تۋرالى allfight.ru پورتالىنا بەرگەن سۇحباتىندا مەنەدجەرى سەرگەي زاۆيلەيسكي مالىمدەدى. «ءبىز تيتۋلدى ايقاس الدىندا تاعى ءبىر رەيتينگتى كەزدەسۋ وتكىزۋدى ءجون كوردىك. فيرۋزا قازىر فيزيكالىق تۇرعىدان جوعارى دەڭگەيدە. دايىندىعى تولىعىمەن ءجۇرىپ جاتىر. كەشە العاشقى سپاررينگىن وتكىزدى. جاتتىقتىرۋشىسىنىڭ كوڭىلىنەن تولىقتاي شىقتى. ەندى شارشى الاڭداعى ناعىز ايقاس قاجەت. سول ءۇشىن ۋاقىت جوعالتپاي, ەكى اپتادان كەيىن, ياعني 4 ناۋرىز كۇنى ماسكەۋدە كەزەكتى جەكپە-جەگىن وتكىزەدى», – دەدى زاۆيلەيسكي. فيرۋزا ءشارىپوۆا قازىرگى ۋاقىتتا ماسكەۋدەگى «بوكس اكادەمياسىندا» تيتۋلدى ۇرىسىنا دايىندالىپ ءجۇر. مالىمەتتەر بويىنشا باپكەرى سەرگەي كۋبىشەۆ وعان تەحنيكالىق تۇرعىدان جاڭا باعىتتاردى ۇيرەتىپ جاتىر. ال ەرتەڭ ءوزى جاتتىعىپ جۇرگەن اكادەميادا شەبەرلىك ساباعىن وتكىزەدى. ايتا كەتەيىك, كاسىپقوي بوكسشى قىزدىڭ تيتۋلدى جەكپە-جەگى EXPO-2017 كەزىندە ۇيىمداستىرىلاتىن بوكس كەشىندە ءوتۋى مۇمكىن.