الۆارەستىڭ پروموۋتەرى: گولوۆكينگە كەلىسىمشارت ۇسىندىق

Golden Boy كومپانياسىنىڭ پرەزيدەنتى ءارى ساۋل «كانەلو» الۆارەستىڭ پروموۋتەرى وسكار دە لا حويا قازاقستاندىق بوكسشى گەننادي گولوۆكيننىڭ وكىلدەرىنە ۇسىنعان كەلىسىمشارتتىڭ كەيبىر تۇستارىن ايتىپ بەردى. بۇل تۋرالى allfight.ru حابارلادى. «ۇسىنىسىمىز ولار ءۇشىن ءتيىمدى بولدى دەۋگە بولادى. گولوۆكين الۆارەسپەن شارشى الاڭعا شىقسا, وسىعان دەيىن العان سىياقىلارىنان الدەقايدا كوپ الۋى مۇمكىن. ۇسىنىس جاسادىق, ەگەر كوڭىلى تولماسا, كىنا بىزدەن ەمەس. «كانەلو» ەشكىمنەن جاسقانىپ, قاشقاقتاپ جۇرگەن جوق. ول تەك ۇزدىكتەرمەن سىنعا تۇسكىسى كەلەدى. ال GGG – ونىڭ باستى قارسىلاسى», – دەدى وسكار دە لا حويا. ايتا كەتەيىك, قوس بوكسشى وتكەن جىلدان بەرى جەكپە-جەك وتكىزۋ جونىندە كەلىسسوزدەر جۇرگىزىپ كەلەدى. بىراق ءالى كۇنگە دەيىن قارجى ماسەلەسىندە ورتاق ىمىراعا كەلە الماي ءجۇر. Boxingnews24.com مالىمەتى بويىنشا مەكسيكالىق تاراپ گولوۆكيننىڭ وكىلدەرىنە ايقاس ءۇشىن 15 ميلليون دوللار ۇسىنعان. بىراق قازاقستاندىق بوكسشىنىڭ تارابى جالپى بوكس كەشىنەن تۇسەتىن قارجىنى تەڭ ءبولۋدى تالاپ ەتكەن كورىنەدى.